பிக்பாஸ் நிகழ்ச்சி இடை நிறுத்தம்…?
இந்திய தனியார் தொலைக்காட்சி ஒன்றில் ஒளிபரப்பாகி வரும் ஒரு நிகழ்ச்சி தான் பிக் பாஸ். நடிகர் கமல்ஹாசனினால் தொகுத்து வழங்கிய பிக் பாஸ் சீசன் 1 மிகப்பெரிய வெற்றியை பெற்றது. அதில் பங்குபற்றிய பலர் பிரபல்மானார்கள்.
சிலருக்கு சினிமா வாய்ப்புக்களும் கிடைத்துள்ளன.
அதைத் தொடர்ந்து சீசன் 2 ஆரம்பமாகியது. இம்முறையும் கமல்ஹாசனே தொகுத்து வழங்கும் பிக் பாஸ் 2 நிகழ்ச்சி ஆரம்பமாகி ஒரு வாரம் கூட ஆகாத நிலையில் படப்பிடிப்பு நிறுத்தப்பட்டுள்ளதாக செய்திகள் தெரிவிக்கின்றன.
இதற்கான படப்பிடிப்பு பூந்தமல்லியில் உள்ள ஈவிபி பொழுதுபோக்கு பூங்காவில் பிரமாண்ட செட் போட்டு 16 போட்டியாளர்கள் பங்கேற்க நடைபெற்று வருகின்ற நிலையில் ஃபெஃப்சி ஊழியர்களின் ஊதிய பிரச்னை காரணமாக இந்த நிகழ்ச்சியின் படப்பிடிப்பு வேலைகள் நிறுத்தப்பட்டுள்ளதாக தகவல்கள் வெளியாகியுள்ளன. இருந்த போதிலும் இது ஒரு வதந்தி எனவும் தகவல்கள் தெரிவிக்கின்றன.