தங்கைக்கு அண்ணன் கொடுத்த வித்தியாசமான பரிசு.!! ஒரே மாதத்தில் கோடீஸ்வரியான தங்கை!!
தங்கையின் பிறந்த நாளை மறந்த அண்ணா எதேச்சையாக கொடுத்த பரிசு தங்கையை கோடீஸ்வரியாக்கிய சம்பவம் இன்று அமெரிக்காவில் இடம்பெற்றுள்ளது. அமெரிக்காவை சேர்ந்தவர் Elizabeth Coker Nnam. இவர் கடந்த மாதம் தனது பிறந்த நாளை கொண்டாடியுள்ளார்.
வழமையாக பிறந்த நாள் அன்று எலிசபெத்தின் அண்ணனே முதல் வாழ்த்தும் பரிசும் வழங்குவதுண்டு. ஆனால் கடந்த மாதம் தங்கையின் பிறந்த நாளை மறந்துவிட்டார். இதனால் பரிசு பொருள் ஒன்றும் கொண்டு வராத நிலையில் தான் ஏற்கனவே வாங்கி வைத்திருந்த லாட்டரி சீட்டை தங்கைக்கு பரிசாக கொடுத்தார்.
ஒரு மாதம் கடந்த நிலையில் திடீரென ஒரு நாள் அண்ணன் உனக்கு நான் லாட்டரி சீட்டு வாங்கி தந்தேனே என்னானது என கேட்டுள்ளார். ஒரு மாதம் கடந்து அண்ணா கொடுத்த லாட்டரி சீட்டு நினைவு வர அதனை பார்த்த போது குறித்த சீட்டுக்கு முதல் பரிசாக 5 லட்சம் டாலர்கள் பரிசாக கிடைத்துள்ளது.
மகிழ்ச்சியில் துள்ளி குதித்த தங்கை அண்ணாவோடு தனது மகிழ்ச்சியை பகிர்ந்துகொண்டுள்ளார். மறந்து போன பிறந்த நாளுக்கு அண்ணன் கொடுத்த பரிசு தங்கையை கோடீஸ்வரியாக்கி உள்ளது.!!