ரசிகரைப் பார்த்து இப்படியா திட்டுவது?
தென்னாபிரிக்கா – இங்கிலாந்துக்கிடையில் டெஸ்ட் தொடர் நடைபெற்றுவருகிறது.
இதன் நான்காவது போட்டி நேற்று ஆரம்பமானது.
இதன் முதல் இன்னிங்ஸில் இங்கிலாந்து 400 ஓட்டங்களைச் சேர்த்துள்ளது.
இதற்காக நேற்றுத் துடுப்பெடுத்தாடக் கறமிறங்கிய அந்த அணியின் சகல துறை வீரரான ஸ்ரோக்ஸ், வெறும் இரண்டு ஓட்டங்களுடன் ஆட்டமிழந்தார்.
பின்னர் அவர் பெவிலியன் திரும்பியபோது அங்கிருந்த ரசிகர் ஒருவர்
“நீங்கள் ஆங்கிலப் பாடகர் எட் ஷீரன் போல உள்ளீர்கள்” எனக் கூறியுள்ளார்.
அப்போது, ஆட்டமிழந்த விரக்தியில் வெளியேறிக் கொண்டிருந்த ஸ்ரோக்ஸ் குறித்த பார்வையாளரை நோக்கி,
“தைரியம் இருந்தா வெளிய வந்து சொல்லிப் பார்…” என ஆவேசத்துடன் கூறினார்.
இந்தக் காட்சி நேரலையில் ஒளிபரப்பானதுடன், சமூக வலைதளங்களிலும் வைரலாகி கேள்விப் பொருளாகியது.
இந்நிலையில், தனது செயல்குறித்து வருத்தம் தெரிவித்தார் ஸ்ரோக்ஸ்.
எனினும், அவரது செயல் சர்வதேசக் கிரிக்கெட் சபையின் விதிமுறைகளை மீறியதாக அமைந்துள்ளமையால் அவருக்கு எதிராக நடவடிக்கை எடுக்கப்படும் என எதிர்பார்க்கப்படுகிறது.
— Ben Stokes (@benstokes38) January 24, 2020