நடிகர் ஜெய்”யை இயக்கும் தளபதி விஜயின் தந்தை..!
நீண்ட இடைவெளியின் பின்னர் விஜயின் தந்தை எஸ்.ஏ.சந்திரசேகரன் தயரித்து இயக்கும் படத்திற்கு லவ் மேட்டர் என பெயரிடப்பட்டுள்ளது. இது இவரது 70 ஆவது படம் ஆகும்.
ஜெய்யின் 25 ஆவது படமான இப்படத்தில் ஜெய் கதாநாயகனாக நடிக்க கதாநாயகிகளாக வைபவி சாண்டில்யா மற்றும் அதுல்யா ஆகியோர் நடிக்கிறார்கள்.
விஜய்யின் பகவதி படத்தின் மூலமா விஜய்யின் தம்பியாக அறிமுகமானவர் ஜெய். அவரின் நடிப்பில் எப்போதும் விஜயின் சாயல் இருக்கும். பலரும் இவர்கள் இருவரும் உறவினரோ என சந்தேகித்ததும் உண்டு.
இந்த படம் குறித்து ஜெய் கூறியதாவது,
‘எஸ்.ஏ.சி இயக்கியிருக்கும் ரஜினி, விஜயகாந்த் உட்பட பல படங்களிலும் நாயகனின் பெயர் விஜய் ஆக தான் இருந்தது. ஆனால், இந்த படத்தில் எனது பெயர் கார்த்திக். அதை விஜய் ஆக மாற்ற சொல்லி கேட்டதும் எவ்வித எதிர்ப்பும் தெரிவிக்காது சம்மதம் தெரிவித்துள்ளார்’ என தெரிவித்தார்.