காஞ்சிபுரத்தில் 16 வயதுடைய சிறுவன் சடலமாக மீட்பு…!!!

காஞ்சிபுரம் மாவட்டம் செங்கல்பட்டு அருகே உள்ள கிராமத்தை சேர்ந்த 16 வயதுடைய சூர்யா என்ற சிறுவன் ஜேசிபி இயந்திரம் ஓட்டுபவரிடம் உதவியாளராக பணி புரிந்து வந்தார். நேற்று விடுமுறை தினம் என்பதால் வெளியில் விளையாட சென்று நீண்ட நேரமாகியும் வீடு திரும்பவில்லை. மாறாக அந்த பகுதியில் இருந்த குட்டையில் வயிற்றில் கத்திக்குத்து காயத்துடன் சடலமாக மிதந்துள்ளார்.

இந்த சடலத்தை கண்டவர்கள் பொலிஸாருக்கு தகவல் தெரிவித்தனர். இதை அடுத்து சம்பவ இடத்திற்கு வந்த பொலிஸார் சூர்யாவின் சடலத்தை மீட்டு பிரேத பரிசோதனைக்காக வைத்தியசாலைக்கு அனுப்பி வைத்துள்ளார். மேலும் இந்த சம்பவம் தொடர்பாக வழக்கு பதிவு செய்து விசாரணை தொடங்கியுள்ளார்.

இந்த விசாரணையில் சூர்யாவின் பக்கத்து வீட்டு சிறுவனை சந்தேகத்தின் பேரில் கைது செய்து விசாரணை தொடங்கிய போது, அந்த சிறுவனும் வேறொருவரிடம் ஜேசிபி உதவியாளராகப் பணியாற்றி வந்துள்ளார். முதலாளி இல்லாத வேளையில் சிறுவன் ஜேசிபியை வாடகைக்கு ஓட்டிவந்தான். இதை பார்த்த சூர்யா அந்த சிறுவனின் உரிமையாளரிடம் செல்போனில் கூறியுள்ளான் உடனே அந்த உரிமையாளர் சிறுவனை கூப்பிட்டு கண்டித்துள்ளார்.

இதனால் ஆத்திரம் அடைந்த அந்த சிறுவன் சூர்யாவை நேற்றைய தினம் விளையாடுவோம் வா என்று தனியாக அழைத்து சென்று வயிற்றில் கத்தியால் குத்தி கொலை செய்ததாக பொலிஸ் விசாரணையில் ஒப்புக்கொண்டார்.

நமது Android Application Download செய்திட இங்கே க்ளிக் செய்யுங்கள்

நமது IOS Application Download செய்திட இங்கே க்ளிக் செய்யுங்கள்.