லா(லொ)ஸ்லியா மற்றும் தர்ஷன் பிக் பாஸ் வீட்டை விட்டு வெளியேற வேண்டும் – இயக்குனர் சேரன் அதிரடி – வீடியோ இணைப்பு!!
விஜய் தொலைக்காட்சியில் ஒளிபரப்பாகும் பிக்பாஸில் முதல் வாரம் முடிவடைந்திருக்கிறது. இந் நிலையில் போட்டியாளர்கள் ஒருவரை ஒருவர் நாமினேசன் செய்யும் படலம் ஆரம்பமாகியிருக்கிறது. இந்த வீட்டில் சினிமா பின்னணி இன்றி சிலோனைச் சேர்ந்த லா(லொ)ஸ்லியா, தர்ஷன், மற்றும் மலேசியாவைச் சேர்ந்த முகேன் உள்ளார்கள். இவர்கள் ஏனையோரை எதிர்க்கவும் முடியாது, அதே சமயத்தில் தம் பக்க கருத்துக்களையும் சொல்லவும் முடியாது இரண்டும் கெட்டான் நிலையில் உள்ளார்கள்.
காரணம் இவர்கள் மூவருக்கும் இந்த அரங்கம் புதியதாக உள்ளது. வித்தியாசமான இம் மேடையில் ஏற்கனவே சினிமா அனுபவம் நிறைவாகவும், பல மேடைகளையும் கண்டுள்ள பிரபலங்கள் முன்னே இயல்பாய் இம் மூவரும் இருந்தாலும் இம் மூவரையும் இயக்குனர் சேரனுக்கு பிடிக்காமல் இருப்பது வியப்பளிக்கிறது.
நாமினேசன் படலத்தில் சேரன் லாஸ்லியாவையும், தர்ஷனையும் இவர்கள் இந்த வீட்டில் இருக்க தகுதி அற்றவர்கள் என்ற தொனியுடன் நாமினேட் செய்துள்ளார். பார்க்கலாம் இனி வரும் நாட்களில் முகேன், தர்ஷன் லாஸ்லியா எவ்வாறு இந்த பிக் பாஸ் அரங்கத்தில் தம் நடவடிக்கைகளை மேற்கொள்ளப் போகிறார்கள் எனும் கேள்வி ரசிகர்கள் மனதில் உருவாகியுள்ளது.
இப்போதைக்கு இயல்பாக இருப்பவர் சித்தப்பூ சரவணன் என்றே எல்லோரும் கூறுகிறார்கள். இந் நிலையில் சித்தப்பூ வைச்சார் பாருங்க ஒரு ஆப்பு, அதான் சேரனை நாமினேட் செய்தது. ஹி..ஹி சேரன் பிக்பாஸ் வீட்ல அதிகமா டாமினேட் செய்கிறாராம். அதாவதுங்க தான் பிக் பாஸ் வீட்டிலையும் இயக்குனர் என்ற ரீதியில் நடந்து கொள்கிறாராம். சேரனின் இந்த நாமினேசன் பற்றி உங்களுடைய கருத்துக்களையும் இங்கே பகிரலாமே!!
காணொலி காப்புரிமை விஜய் தொலைக்காட்சிக்கு உரியது.
பொறுப்பு துறப்பு: சட்ட விதிகளை மீறா வண்ணம், விமர்சனத்தினை வழங்கும் நோக்கில் இங்கே விஜய் தொலைகாட்சி காணொலி இணைக்கப்பட்டுள்ளது.
