தூக்கிட்டு தற்கொலை செய்து கொண்ட10 வயது சிறுமி..!! சோகத்தில் வாடும் பெற்றோர்கள்..!!

மலேசியாவில் பெர்டானா செராஸ் அருகிலுள்ள வீடு ஒன்றில் 10 வயதுடைய சிறுமி ஒருவர் ஏணியில் தூக்கிட்டு தற்கொலை செய்து கொண்ட சம்பவம் பெரும் சோகத்தை ஏற்படுத்தியுள்ளது. இன்று காலை 5.30 மணியளவில் வீட்டின் ஒரு அறையில் குறித்த சிறுமி தூக்கிட்டு சுயநினைவு இன்றி இருந்ததைக் கண்டு பெற்றோர் அதிர்ச்சி அடைந்த நிலையில் மருத்துவமனைக்கு அழைத்துச் சென்றுள்ளனர். அந்த சிறுமியை பரிசோதித்த மருத்துவர் சிறுமி இறந்து விட்டதை உறுதிப்படுத்தியுள்ளார்.

குடும்பத்தில் மூத்த பிள்ளையான குறித்த சிறுமி நேற்று இரவு 9 மணியளவில் தூங்க செல்வதற்கு முன் இறுதியாக பெற்றோரை பார்த்ததாக தகவல் கிடைக்கப்பெற்றதாக காஜாங் மாவட்ட துணை பொலிஸ் அதிகாரி முகமட் சபரி கூறியுள்ளார்.

அதன் இடையில் சம்பந்தபட்ட இடத்தில் குற்ற அடையாளங்கள் எதுவும் காணப்படவில்லை. மேலும், அச்சிறுமியின் உடலிலும் காயங்கள் மற்றும் பாலியல் பலாத்காரம் அடையாளங்கள் எதுவும் இல்லை என மருத்துவ பரிசோதனையில் தெரியவந்துள்ளதாக முகமட் சபரி தெரிவித்துள்ளார். மேலும் இந்த சம்பவம் தொடர்பாக விசாரணை மேற்கொண்டு வருவதாகவும் அவர் தெரிவித்துள்ளார்.