வைரலாகும் அமெரிக்க நாய்க்குட்டி; அப்படி என்னதான் ஆச்சரியம்?
ரிக்காவின் கரோலினா மாநிலத்தின் ஹேவுட் கவுண்டிப் பகுதியில் உள்ள நாய்க்குட்டி ஒன்று தற்போது உலகளவில் ட்ரெண்டாகியுள்ளது.
ஷனா ஸ்டேமி என்பவர் அமெரிக்காவின் கரோலினா மாநிலத்தின் ஹேவுட் கவுண்டிப் பகுதியில் வாழ்ந்து வருகிறார்.
இவர் ஜிப்சி எனும் பெயருடைய ஜேர்மன் ஷெப்பர்ட் ரக வகையைச் சேர்ந்த நாய் ஒன்றை வளர்த்து வருகிறார்.
அந்த நாய் இன்று பல குட்டிகளுக்குத் தாயாகியுள்ளது. அந்த நாய் இன்று காலை 8 குட்டிகளை ஈன்றுள்ளது.
அதில்தான் ஓர் அதிசயம் நிகழ்ந்துள்ளது.
எட்டு நாய்க்குட்டிகளுள் நான்காவதாகப் பிறந்த ஆண் நாய்க்குட்டி, பச்சை நிறத்தில் உள்ளது. இதைக் கண்டு ஆச்சரியமடைந்த அதன் உரிமையாளர், அதைப் புகைப்படம் எடுத்து இணையத்தில் பதிவேற்றினர். அது தற்போது வைரலாகி வருகிறது.
“குறித்த நாய்க்குட்டி ஏனையவற்றைப் போலவே சாதாரணமாக உள்ளது. அந்தக் குட்டிக்கு ‘ஹல்க்’ எனப் பெயரிட்டுள்ளோம்” என அதன் உரிமையாளர் தெரிவித்துள்ளார்.
இந்த நாய்க்குட்டி வயிற்றுக்குள் இருந்தபோது தாயின் கர்ப்பப் பையிலிருந்து வந்த திரவமே அந்த குட்டியை கறை படுத்தியிருக்கலாம் எனவும், அது எந்தவிதமான கதிர்வீச்சுக்கும் உட்படவில்லை’ எனவும் விலங்கியல் நிபுணர்கள் கருத்துத் தெரிவித்துள்ளனர்.