காட்டுத்தீ பாதித்தோருக்காக தொப்பியை ஏலம் விட்ட வோர்ன்!
அவுஸ்திரேலியாவில் ஏற்பட்ட காட்டுத் தீயால் பாதிக்கப்படடவர்களுக்கு நிதி சேகரிப்பதற்காக, அவுஸ்திரேலிய முன்னாள் நட்சத்திர சுழற்பந்து வீச்சாளரான ஷேன் வோர்ன், தான் அணிந்து விளையாடிய தொப்பியை ஏலத்தில் விட்டுள்ளார்.
இந்தத் தொப்பியை வாங்க ‘ஒன்-லைன்’ மூலம் பலர் போட்டி போட்டதால், தொப்பியின் விலை எகிறியது.
இறுதியில், ரசிகர் ஒருவர் 10 லட்சத்து ஏழாயிரத்து 500 அவுஸ்திரேலிய டொலர்களுக்கு ஏலத்தில் வாங்கியுள்ளார்.
கிரிக்கெட் வீரர் ஒருவர் பயன்படுத்திய பொருள் ஏலம் விடப்பட்டதில் அதிக விலைக்குப் போனது என்ற பெருமையை வோர்னின் தொப்பி பெற்றுள்ளது.