சிங்கப்பூரில் குடியுரிமை பெற்ற குழந்தைகள் முதல்முறையாக கடப்பிதழ் விண்ணப்பம் செய்யும் போது இலவசமாக வழங்கப்படும்…!!!

சிங்கப்பூரில் குடியுரிமை பெற்ற குழந்தைகள் கடப்பிதழுக்கு விண்ணப்பம் முதல் முறையாக செய்யும் போது அதற்குக் கட்டணம் செலுத்த வேண்டியதில்லை என்று குடிநுழைவு, சோதனைச் சாவடிகள் ஆணையம் அறிவித்துள்ளது.

கடப்பிதழ் விண்ணப்பக் கட்டணங்களைத் தள்ளுபடி செய்யும் திட்டத்தை ஆணையம் நடைமுறைப்படுத்தியுள்ளது. திருமணம் பிள்ளை வளர்ப்புத் திட்டத்தின் ஒரு பகுதியாக தள்ளுபடி குறித்து அறிவிக்கப்பட்டுள்ளது. மேலும் இது குறித்து சென்ற ஆகஸ்ட் மாதம் அரசாங்கம் அறிவித்தது.

எதிர்வரும் வருடம் 01 ஆம் திகதி முதல் விண்ணப்பம் செய்பவர்களுக்கு அந்த சிறப்புத் தள்ளுபடி பொருந்தும். ஆனால், குழந்தையின் முதல் பிறந்த நாளுக்குள் பெற்றோர் அதற்குப் பதிந்து கொள்ள வேண்டும். மேலும் இந்த மாற்றம், 2019 இல் பிறந்து, 2020 ஆம் ஆண்டு கடப்பிதழுக்கு விண்ணப்பிக்கும் சிங்கப்பூர் குடியுரிமை பெற்ற பிள்ளைகளுக்கு அது பயனளிக்கும் என்றது ஆணையம். தள்ளுபடிக்கு தகுதி பெற விண்ணப்பங்களை ஆணையத்தின் இணையம் வழி மட்டும் சமர்ப்பிக்க முடியும்.