வீடமைப்பு வளர்ச்சிக் கழக வீடுகளில் வசிக்கும் 940,000 சிங்கப்பூர்க் குடும்பங்கள், சுமார் 134 மில்லியன் வெள்ளி மதிப்புள்ள சேவை, பராமரிப்புக் கட்டணக் கழிவு பெறுவர்!

வீடமைப்பு வளர்ச்சிக் கழக வீடுகளில் வசிக்கும் 940,000 சிங்கப்பூர்க் குடும்பங்கள், சுமார் 134 மில்லியன் வெள்ளி மதிப்புள்ள சேவை, பராமரிப்புக் கட்டணக் கழிவைப் பெறவிருக்கின்றன. அடுத்த மாதத்திலிருந்து அடுத்த ஆண்டு மார்ச் மாதம் வரை அந்தக் கட்டணச் சலுகை நீடிக்கும். 2020 ஆம் ஆண்டு வரவுசெலவுத் திட்டத்தின் போது அறிவிக்கப்பட்டிருந்த பராமரிப்பு, ஆதரவுத் தொகுப்புத் திட்டத்தின் ஓர் அங்கமாக அந்தச் சலுகை வழங்கப்படும்.

தகுதி பெறும் ஒவ்வொரு குடும்பமும், அவர்கள் வசிக்கும் வீட்டின் அளவைப் பொறுத்து ஒன்றரை முதல் மூன்றரை மாதக் கட்டணக் கழிவைப் பெறுவர் என்று நிதியமைச்சு தெரிவித்துள்ளது. அடுத்த மாதத்திலிருந்து, மூன்று மாதங்களுக்கு ஒருமுறை கட்டணக் கழிவு வழங்கப்படும். தகுதி பெறும் குடும்பங்களுக்கு இம்மாத இறுதியில் அதன் தொடர்பில் கடிதம் அனுப்பப்படும்.