The States Times Review-வின் Facebook பதிவில் உள்ள பொய்த் தகவலைத் திருத்தும் படி சிங்கப்பூர் அரசாங்கம் உத்தரவு..!!!
சிங்கப்பூர் அரசாங்கம் The States Times Review-வின் Facebook பதிவில் இருக்கும் பிழையான தகவலைத் திருத்தும் படி அதன் நிர்வாகிக்கு உத்தரவிட்டுள்ளது. சிங்கப்பூரின் புதிய பொய்ச் செய்திச் சட்டத்தின் கீழ் திருத்தம் செய்யுமாறு கூறியுள்ள 2 ஆவது உத்தரவு இது என்று அதிகாரிகள் கூறியுள்ளனர்.
States Times Review இணையத்தளம் மற்றும் Facebook பக்கத்தை நிர்வாகம் செய்யும் 32 வயதுடைய அலெக்ஸ் டான் ஸி ஸியாங்கிற்கு (Mr Alex Tan Zhi Xiang) இந்த ஆணை விடுத்துள்ளார். POFMA எனும் இணையம் வழி பரப்பப்படும் தவறான தகவல்களுக்கு எதிரான சட்டத்தின் கீழ் உள்துறை அமைச்சர் கா. சண்முகத்தின் ஆலோசனைப் படி இந்த உத்தரவு வழங்கப்பட்டது.
உத்தரவின் படி States Times Review, அதன் Facebook பதிவேற்றிய மேல் திருத்தத்தை வெளியிட வேண்டும். நவம்பர்மாதம் 23 ஆம் திகதி அன்று அறிமுகம் செய்யப்பட்ட இந்த பேஸ்புக் பதிவில் மக்கள் செயல் கட்சி வேட்பாளர் ஒருவரின் கிறிஸ்துவத் தொடர்புகளை அம்பலப்படுத்திய நபர் ஒருவர் கைது செய்யப்பட்டார் என்று கூறப்பட்டது.
மக்கள் செயல் கட்சி வேட்பாளர் தொடர்பாக தகவலை பதிவேற்றம் செய்த NUSSU – NUS Students United Facebook பக்கத்தை நிர்வாகம் செய்பவரைக் பொலிஸார் விசாரித்து வருவதாகவும் பதிவில் கூறப்படுகிறது .
அவை தவறான தகவல்கள் என்றும் அடிப்படையற்றவை என்றும் உள்துறை அமைச்சு தெரிவித்துள்ளது.
