ஆப்கானிஸ்தான் கிரிக்கெட் அணியின் இயக்குனராகவும், தலைமை தேர்வாளராகவும் ஆண்டி மோல்ஸ் நியமி
ஆப்கானிஸ்தான் உடன் 2014 ஆம் ஆண்டு தொடக்கம் 2015 ஆம் ஆண்டு வரை ஆண்டி மோல்ஸ் பயிற்சியாளராக பணியாற்றியுள்ளார். அதேவேளை ஆப்கானிஸ்தான் கிரிக்கெட் அணியின் தலைமைப் பயிற்சியாளராக கடந்த மாதம் முன்னாள் தென்னாப்பிரிக்க அணியின் சகலதுறை ஆட்டக்காரர் லோன்ஸ் குளூஸ்னர் நியமிக்கப்பட்டார்.
அதையடுத்து ஆப்கானிஸ்தான் அணியில் பல மாற்றங்கள் நடைபெற்றுள்ளது. குல்படின் நைப் தனது குறுகிய காலப்பகுதியில் தலைமைப் பொறுப்பை உரிய முறையில் நிறைவேற்றத் தவறியத்தைத் தொடர்ந்து ரஷீத் கான் அனைத்து வகையான கிரிக்கெட்டுக்களுக்கும் தலைமைப் பொறுப்பை ஏற்றுக்கொண்டுள்ளது.
இவரின் தலைமையின் கீழ் பங்களாதேஷை எதிர்த்து ஆப்கானிஸ்தான் 224 ஓட்ட வித்தியாசத்தில் டெஸ்ட் போட்டியில் வெற்றி பெற்றுள்ளது. பின்னர் அவர்கள் எதிர்கொண்ட முத்தரப்பு இருபதுக்கு 20 கிரிக்கெட் போட்டியிலும் இறுதிப் போட்டிக்குள் சென்றனர். ஆனால் மழை காரணமாக இறுதிப் போட்டியில் பங்களாதேஷ் அணி வெற்றிபெற்றுள்ளது.