இந்திய கிரிக்கெட் முன்னாள் வீரர்கள் தமிழ் சினிமாவில் நடிக்கவுள்ளனர்…!!

இந்திய கிரிக்கெட் முன்னாள் வீரர் 02 பேர் தமிழ் சினிமாவில் நடிக்கவுள்ளனர். முன்னாள் கிரிக்கெட் வீரர் இர்பான் பதான் இயக்குனர் அஜய் ஞானமுத்து இயக்கத்தில் விக்ரம் நடிக்கும் படத்தில் முக்கிய வேடத்தில் நடிக்கிறார். மேலும் இந்தப் படத்திற்கு ஏ.ஆர்.ரகுமான் இசை அமைக்கிறார். இந்த நிலையில் ஹர்பஜன் சிங் சந்தனாம் நடிப்பில் உருவாகி வரும் ‘டிக்கிலோனா’ படத்தில் நடிக்கிறார்.

கிரிக்கெட் வீரர் இர்பான் பதான் தெரிவிக்கையில், ‘நான் சில ரியாலிட்டி ஷோக்களில் கலந்து கொண்டிருக்கிறேன். ஆனால் இந்த சினிமா, எனக்கு நிச்சயமாக புதிய உலகம். இயக்குநர் அஜய் ஞானமுத்து, வடதோராவிலுள்ள எனது வீட்டுக்கு வந்து கதை சொன்னார். அவரிடம் நான் கேட்ட முதல் கேள்வி, ‘எதற்கு நான் நடிக்கணும்?’ என்பது தான். அவர் அந்த கேரக்டரையும், நான் நடித்தால் எப்படி இருக்கும் என்று சொன்னதை கேட்டதும் சம்மதித்து விட்டேன். இந்தப் படத்தில் நடிகர் விக்ரமுடன் நடிப்பது பெருமைக்குரிய விஷயம். அவர் சிறந்த நடிகர். ஏராளமான பார்வையாளர்கள் முன்பு நான் கிரிக்கெட் விளையாடி இருக்கிறேன். அதனால் எனக்குப் பதற்றம் ஏதும் இல்லை. அந்த உணர்வோடு எந்தப் பதற்றத்தையும் ஒப்பிட முடியாது. குறைந்தபட்சம் சில ரீடேக்குகள் வாங்குவேன்’ என தெரிவித்துள்ளார்.

தமிழ் சினிமாவில் நடிப்பதாக ஹர்பஜன் சிங் தனது டுவிட்டர் பக்கத்தில் தெரிவிக்கையில் சந்தனாம் நடிப்பில் உருவாகி வரும் ‘டிக்கிலோனா’ படத்தில் நடிப்பதாக அவர் தெரிவித்துள்ளார். அத்துடன் தன்னை தமிழ் சினிமாவில் அறிமுகம் செய்யும் ‘டிக்கிலோனா’ படக்குழுவினருக்கு அவர் நன்றியை கூறியுள்ளார்.

அதையடுத்து“தலைவர், தல, தளபதி உருவாகிய பூமி. தமிழ் வார்த்தைகளால் வார்த்திட்ட என்னை தூக்கி நிறுத்திய உறவுகளே. உங்களால் வெள்ளித்திரையில். இந்த வளர்ச்சிக்கு காரணம் சரவணன் பாண்டியன்” என்று பதிவிட்டுள்ளார்.