பாகிஸ்தானுக்கு சுற்றுப் பயணம் மேற்கொள்ளவுள்ள இலங்கை டெஸ்ட் கிரிக்கெட் அணிக்குழாம்..!!!!!!
இலங்கை டெஸ்ட் கிரிக்கெட் அணிக் குழாம் பாகிஸ்தானுக்கு சுற்றுப் பயணம் மேற்கொள்ளவுள்ளதாக இலங்கை கிரிக்கெட் நிறுவனம் உத்தியோகபூர்வமாக தெரிவித்துள்ளது. 2009 ஆம் ஆண்டு நடைபெற்ற லாகூர் தாக்குதலின் பின் இலங்கை கிரிக்கெட் அணி பாகிஸ்தானுக்கு சுற்றுப் பயணம் முன்னெடுப்பது இதுவே 2ஆவது தடவையாகும். அதையடுத்து அங்கு டெஸ்ட் போட்டிகளில் கலந்து கொள்ளவுள்ளது இதுவே முதலாவது சந்தர்ப்பமாகும்.
அதனை தொடர்ந்து பாகிஸ்தானுக்கு எதிர்வரும் மாதம் சுற்றுப் பயணம் மேற்கொள்ளும் இலங்கை டெஸ்ட் கிரிக்கெட் அணியானது பாகிஸ்தான் கிரிக்கெட் அணியுடன் 2 போட்டிகள் கொண்ட சர்வதேச டெஸ்ட் போட்டியை சிறப்பாக எதிர்கொள்ளவுள்ளது. 1ஆவது போட்டி எதிர்வரும் டிசம்பர் மாதம் 11 ஆம் திகதி முதல் 15 ஆம் திகதி வரை ராவல்பிண்டியிலும், 2ஆவது போட்டி 19 ஆம் திகதி முதல் 23 ஆம் திகதி வரை கராச்சியிலும் நடைபெறவுள்ளது.
மேலும் இந்த நிலையில் போட்டியில் விளையாடும் திமுத் கருணாரத்ன தலைமையிலான 16 பேர் கொண்ட இலங்கை டெஸ்ட் அணிக்குழாமைனை இலங்கை கிரிக்கெட் நிறுவனம் விளையாட்டுத்துறை அமைச்சர் டளஸ் அழகப்பெருமவின் ஒப்புதலுடன் வழங்கியுள்ளது.
1. திமுத் கருணாரத்ன – தலைவர்
2. ஓசத பெர்ணான்டோ
3. குசல் மெண்டீஸ்
4. அஞ்சலோ மெத்தியூஸ்
5. தினேஷ் சந்திமால்
6. குசல் ஜனித் பெரேரா
7. லஹிரு திரிமான்ன
8. தனஞ்சய டிசில்வா
9. நிரோஷன் திக்வெல்ல
10. தில்றூவான் பெரேரா
11. லசித் எம்புலுதெனிய
12. சுரங்க லக்மால்
13. லஹிரு குமார
14. விஷ்வ பெர்ணான்டோ
15. கசூன் ராஜித
16. லக்ஷான் சந்தகான்