இலங்கை நட்சத்திர பந்து வீச்சாளர் சுரங்கா லக்மல் டெங்கு காய்ச்சல்….!!!!
இலங்கை கிரிக்கெட் நட்சத்திர பந்து வீச்சாளர் சுரங்கா லக்மல் டெங்கு காய்ச்சலால் பாதிக்கப்பட்டுள்ளதாக தகவல்கள் வெளியாகியுள்ளன. ஐ.சி.சி டெஸ்ட் சாம்பியன்ஷிப்பின் கீழ் இடம்பெறும் இரண்டு போட்டித் தொடர்களில் பங்கேற்க இலங்கை அணி 2019 ஆம் ஆண்டு டிசம்பர் மாதம் 08 ஆம் திகதி இன்றைய தினம் பாகிஸ்தானுக்கு புறப்படுகிறது.
ராவல்பிண்டி (டிசம்பர் 11-15) மற்றும் கராச்சி (டிசம்பர் 19-23) ஆகிய இடங்களில் டெஸ்ட் போட்டிகள் நடத்த பாகிஸ்தான் கிரிக்கெட் வாரியம் திட்டமிட்டுள்ளது. கடந்த 2 வருடங்களில் லக்மலின் டெஸ்ட் சாதனை மிகச் சிறப்பாக உள்ளது. அவர் 17 ஆட்டங்களில் 45 விக்கெட்டுகளை வீழ்த்தியுள்ளார்.
ஆனால் தற்போது டெங்கு காய்ச்சலால் பாதிக்கப்பட்டுள்ள இலங்கை நட்சத்திர வீரர் சுரங்கா லக்மல் போட்டியில் இருந்து விலகியுள்ளார். அவருக்கு பதிலாக 22 வயதுடைய வேகப்பந்து வீச்சாளர் அசிதா பெர்னாண்டோ அணியில் இணைவார் என எதிர்ப்பார்க்கப்படுகிறது.