ஓர் ஓட்டத்தைப் பெற 46 நிமிடங்கள்; ஸ்மித்துக்கு வந்த சோதனை!
அவுஸ்திரேலியக் கிரிக்கெட் வீரரான ஸ்மித், இன்று நடைபெற்ற நியூஸிலாந்துக்கு எதிரான டெஸ்டின் முதல்நாளில் பரிதாப நிலைக்குத் தள்ளப்பட்டார்.
அவுஸ்திரேலியா – நியூஸிலாந்து அணிகளுக்கிடையில் டெஸ்ட் தொடர் நடைபெற்று வருகிறது.
இத்தொடரில் ஏற்கனவே, நீல் வாக்னர் பந்துவீச்சில் நான்கு தடவைகள் ஸ்மித் ஆட்டமிழந்தார்.
இந்நிலையில், இன்று ஆரம்பித்த மூன்றாவது டெஸ்டின் முதல் நாளான இன்று ஸ்மித் மிகவும் நிதானமாக விளையாடினார்.
இதனால், அவர் தனது முதல் ஓட்டத்தைப் பெற 46 நிமிடங்கள் வரை பொறுத்திருக்க வேண்டியதாயிற்று.
அதேவேளை, இதற்காக 39 பந்துகளை எதிர்கொண்டுள்ளார்.
அவர் தனது முதல் ஓட்டத்தைப் பெற்றபோது அரங்கிலிருந்த ரசிகர்கள் கரவோஷம் எழுப்பி உற்சாகப்படுத்தினர். அதேபோல பந்துவீச்சாளரான வாக்னரும் அருகில் சென்று அவரை உற்சாகப்படுத்தினார்.
பின்னர் தொடர்ந்து ஆடிய ஸ்மித், 182 பந்துகளில் 63 ஓட்டங்களைச் சேர்த்த நிலையில் ஆட்டமிழந்தார்.
இன்றைய நாள் முடிவில் அவுஸ்திரேலிய அணி, 3 விக்கெட்டுகள் இழப்புக்கு 283 ஓட்டங்களைச் சேர்த்திருந்தது.