டிக் டாக் அப்பிளிக்கேஷனில் கட்டணம் செலுத்தப்பட்ட அரசியல் ரீதியான விளம்பரங்களுக்கு தடை..!!!
உலகளாவிய ரீதியில் டிக் டாக் அப்பிளிக்கேஷன் பிரபல்யம் அடைந்து வருகின்றது. இந்த டிக் டாக் அப்பிளிக்கேஷன் சீனாவால் உருவாக்கப்பட்டுள்ளது. இது அதிகளவான பாவனையளர்கைளை உள்ளடக்கியுள்ளது.
இந்த அப்பிளிக்கேஷன் ஆனது மாதாந்தம் 500 மில்லியன் செயற்பாட்டு நிலையில் உள்ள பாவனையாளர்களை கொண்டுள்ளது.
இந்த நிலையில் டிக் டாக் அப்பிளிக்கேஷனில் கட்டணம் செலுத்தப்பட்ட அரசியல் ரீதியான விளம்பரங்களுக்கு தடை விதித்துள்ளது. கடந்த வியாழக்கிழமை முதல் இத் தடை நடைமுறைக்கு வந்துள்ளதாகவும் தெரிவிக்கப்பட்டுள்ளது.
இதன்படி வேட்பாளர் தொடர்பாகவோ, தற்போதைய தலைவர்கள் தொடர்பாகவோ, அரசியல் கட்சி அல்லது குழு தொடர்பாகவோ, மத்திய அரசு, மாநில அரசு மற்றும் உள்ளூர் அரசியல் தொடர்பாகவோ எந்தவொரு விளம்பரத்தையும் கட்டணம் செலுத்தி மேற்கொள்ள முடியாது.
மேலும் இந்த டிக் டாக் அப்பிளிக்கேஷனை உருவாக்கிய பைட் டான்ஸ் நிறுவனம் எதிர்பார்த்ததை விடவும் அதிக வருமானத்தை ஈட்டியுள்ளதாக கூறப்படுகின்றது. அதாவது சுமார் 7 பில்லியன் டொலர்களை இதுவரை வருமானமாக ஈட்டியுள்ளது.