2020 ஆம் ஆண்டு ஆப்பிள் நிறுவனம் அறிமுகம் செய்யவுள்ள புத்தம் புதிய iPhone SE 2 கைபேசி..!!!
ஆப்பிள் நிறுவனம் ஒரு அமெரிக்கக் கணினி மற்றும் நுகர்வோர் இலத்திரனியல் கருவிகள் நிறுவனமாகும். இந்த ஆப்பிள் நிறுவனமானது 1976 ஆம் ஆண்டு ஏப்ரல் முதலாம் நாள் குபெர்டினோ, கலிபோர்னியாவில் ஆரம்பிக்கப்பட்டுள்ளது. இந்த நிறுவனம் கணினி மற்றும் ஐப்பாடு, ஐஃபோன் மட்டும் இன்றி ஃபைனல் கட் ப்ரோ, ஐடியுன்ஸ், ஐலைஃப் போன்ற மென்பொருளையும் உருவாக்கி வருகின்றது. ஆப்பிள் நிறுவனம் உலக அளவில் பிரபல்யம் அடைந்து வருகின்ற நிலையில் அதிகளவான பாவனையாளர்களையும் கவர்ந்துள்ளது.
ஆப்பிள் நிறுவனத்தை அடிச்சுக்க ஆளே இல்லை என்று கூறலாம்.தொழிநுட்ப உலகில் அனைத்து நிறுவனங்களுக்கும் ஒரு முன் உதாரணமாக விளங்கும் ஆப்பிள் நிறுவனம் அதிகளவான iPhoneகளை அறிமுகம் செய்து வருகின்றது. பொதுவாக iPhoneகள் விலை கூடியவையாகும். பாவனையாளர்களின் மனநிலையை கவனத்தில் கொண்டு அனைவரும் வாங்கக்கூடிய முறையில் சற்று குறைந்த விலையில் iPhone SE எனும் ஸ்மார்ட் கைபேசியை ஆப்பிள் நிறுவனம் சில வருடங்களுக்கு முன்னர் அறிமுகம் செய்துள்ளது. இந்த நிலையில் எதிர்வரும் 2020 ஆம் ஆண்டு iPhone SE 2 எனும் கைப்பேசியினை அறிமுகம் செய்யவுள்ளது.
2020 ஆம் ஆண்டு அறிமுகம் செய்யப்படும் iPhone SE 2 எனும் கைப்பேசி சுமார் 20 மில்லியன் கைப்பேசிகளை விற்பனை செய்வதற்கும் தீர்மானிக்கப்பட்டுள்ளது. இருப்பினும் 30 மில்லியன் வரையான iPhone SE 2 கைப்பேசிகளை விற்பனை செய்ய முடியும் என்று கூறப்பட்டுள்ளது. அதே நேரத்தில் iPhone SE 2 கைப்பேசியின் விலையானது ஏறத்தாழ 399 டொலர்கள் வரை இருக்கும் எனவும் எதிர்வு தெரிவிக்கப்பட்டுள்ளது.