கொரோனா வைரஸ் பரவலால் பேஸ்புக் நிறுவனம் எடுத்த திடீர் மாற்றம்..!!
கடந்த சில நாட்களுக்கு முன்னர் நெட்பிளிக்ஸ் மற்றும் யூடியூப் என்பன தமது வீடியோக்களின் தரத்தை குறைத்து காண்பிக்கக்கூடிய வகையில் மாற்றத்தினை நடைமுறைக்கு கொண்டு வந்துள்ளது. தற்போது கொரோனா வைரஸ் பரவும் இக்கட்டான சூழ்நிலை காரணமாக மக்கள் வீட்டிலியே தங்கியிருப்பதனால் எல்லை மீறிய டேட்டா பரிமாற்றத்தினை கட்டுப்படுத்தும் நோக்கிலேயே இந்த நடவடிக்கை முன்னெடுக்கப்பட்டுள்ளது.
இருப்பினும் இந்த அதிரடி மாற்றம் ஐரோப்பிய நாடுகளில் மட்டுமே நடைமுறைப்படுத்தப்பட்டுள்ளது. மேலும் இந்த நிலையில் தற்போது பேஸ்புக் நிறுவனமும் தனது வலைத்தளத்திலுள்ள வீடியோக்களை குறைந்த தரத்தில் காண்பிப்பதற்கு முடிவு செய்துள்ளது. இதுவும் ஐரோப்பிய நாடுகளில் மட்டுமே நடைமுறைக்கு கொண்டுவரப்படுகின்றது. அடுத்து வரும் 30 நாட்களுக்கு நெட்பிளிக்ஸ் மற்றும் யூடியூப் போன்றவற்றின் வீடியோக்கள் தரம் குறைத்தே காண்பிக்கப்படும் என குறிப்பிடப்பட்டுள்ளது.