தமிழீழ விடுதலை புலிகளின் தலைவர் மேதகு வே.பிரபாகரன் அவர்களின் வாழ்க்கை வரலாற்றில் விஜய் சேதுபதி..!?

நடிகர் விஜய் சேதுபதி இலங்கை வீரர் முத்தையா முரளிதரனின் வாழ்க்கை வரலாற்று திரைப்படத்தில் நடிக்க கிளம்பிய எதிர்ப்பை தொடர்ந்து 800 திரைப்படத்தில் இருந்து படக்குழு நீக்கியது. அதன் பின் மீடியாக்களுக்கு பேட்டியளித்த விஜய் சேதுபதி நன்றி வணக்கம் என அனைத்துக்கும் முற்றுப்புள்ளி வைத்தார்.

இதற்கிடையில் விஜய் சேதுபதியின் மகளுக்கு பாலியல் பலாத்கார மிரட்டல் விடுத்த நபர் இலங்கையை சேர்ந்தவர் என்றும் அவரை கைது செய்யும் நடவடிக்கை மேற்கொள்ளப்பட்டு வருவதாகவும் தெரிவிக்கப் படுகிறது.

இந்த நிலையில் விடுதலை புலிகளின் தலைவர் வேலுபிள்ளை பிரபாகரன் அவர்களின் வாழ்க்கை வரலாற்று வெப் சீரிஸில் நடிக்க இயக்குனர் சதீஸ் அழைப்பு விடுத்துள்ளார். தலைவரின் வாழ்க்கை தொடருக்கு “மேதகு” என்ற பெயரில் ஆரம்பிக்கப் பட உள்ள நிலையில் இதில் விஜய் சேதுபதி நடித்தால் நன்றாக இருக்கும் என சதீஸ் கூறியுள்ளார். விஜய் சேதுபதி ஏற்றுக் கொள்வாரா என்பதை பொறுத்திருந்து பார்க்கலாம்..!