அமெரிக்க ஜனாதிபதியின் குற்றம் சாட்டியதை நிராகரிக்கும் உலக சுகாதார அமைப்பு…!!
சீனாவிற்கு ஆதரவாக செயல்படுவதாக அமெரிக்க ஜனாதிபதி டோனால்ட் டிரம்ப் குற்றம் சாட்டியதை உலக சுகாதார அமைப்பு நிராகரித்துள்ளது.
கடந்த செவ்வாய்கிழமை செய்தியாளர்களிடம் அமெரிக்க ஜனாதிபதி டோனால்ட் டிரம்ப் பேசும் போது,கொரோனா தொற்று சீனாவில் பரவிய போது உலக சுகாதார அமைப்பு வெளிப்படைத் தன்மை இல்லாமலும், சீனாவுக்கு ஆதரவாகவும் நடந்து கொள்வதாகவும் குற்றம் சுமத்தியுள்ளார்.
2018 ஆம் ஆண்டு தொடக்கம் 2019 ஆம் ஆண்டு வரை அமெரிக்கா தனது நிதியில் 14 புள்ளி 67 விழுக்காடு வழங்கியதாகக் கூறிய அவர், இனி நிதியுதவி தொடர்பாக பரிசீலிக்கப் போவதாகவும் தெரிவித்திருந்தார். கொரோனா வைரஸால் அமெரிக்காவில் ஏற்பட்ட பேரழிவுக்கு உலக சுகாதார அமைப்பே முக்கிய காரணம் என்று கூறிய டிரம்ப், அந்த அமைப்பின் தலைவர் பதவியை ராஜினாமா செய்ய வேண்டும் என்று வலியுறுத்தினார். ஆனால் தாங்கள் சரியான பாதையில் செல்வதாகவும், டிரம்பின் கூற்றில் உண்மை இல்லை என்றும் கூறி அவரின் கருத்தை உலக சுகாதார அமைப்பு நிராகரித்துள்ளது.
