உலக சுகாதார அமைப்புடனான உறவை முற்றாக துண்டித்த அமெரிக்காவை கடுமையாக விமர்சித்துள்ள சீனாவின் வெளியுறவு அமைச்சகம்..!!
உலக சுகாதார அமைப்புடனான உறவை முற்றாக துண்டித்த அமெரிக்காவை கடுமையாக விமர்சித்துள்ள சீனாவின் வெளியுறவு அமைச்சகம், சர்வதேச சமூகம் உலக சுகாதார அமைப்புக்கு ஆதரவை அதிகரிக்க அழைப்பு விடுத்துள்ளது. அமெரிக்காவின் அதிகார அரசியல் மற்றும் ஒரு தலைப்பட்சத்தை பின்பற்றுவதை வெளிப்படுத்தியுள்ளது என்று சீனா வெளியுறவு அமைச்சகம் தெரிவித்துள்ளது. பாதியிலே கழட்டி விடுவது தான் அமெரிக்காவின் பழக்கமே என சீன விவரித்துள்ளது.
உயிரைக் குடிக்கும் கொரோனா வைரஸ் தொற்று நோய் தொடர்பாக சீனாவை கணக்கில் கொள்ளத் தவறியதாகக் குற்றம் சுமத்தி, உலக சுகாதார நிறுவனத்தில் இருந்து அமெரிக்கா நிரந்தரமாக விலகுவதாக அமெரிக்க அதிபர் டோனால்ட் டிரம்ப் கடந்த வெள்ளிக்கிழமை தெரிவித்துள்ளார்.
உலக சுகாதார அமைப்பின் மீது சீனாவுக்கு முழு கட்டுப்பாடு உள்ளது என்று ஜனாதிபதி அறிவித்தார். அதேவேளை உலக சுகாதார அமைப்பின் தலைவர் ஜெனரல், டெட்ரோஸ் அதானோம் கெப்ரேயஸ், கொரோனா வைரஸ் தொற்று பரவியது தொடர்பாக மறுஆய்வு செய்வதாக உறுதியளித்தது. அமெரிக்க அதிபர் டோனால்ட் டிரம்ப் நிர்வாகம் தனது முடிவை மறு பரிசீலனை செய்ய வேண்டும் என்ற கோரிக்கையை ஐரோப்பிய ஒன்றியம் அழைப்பு விடுத்துள்ளது, இது கொரோனா வைரஸ் தொற்றை சமாளிப்பதற்கான உலகளாவிய முயற்சிகளுக்கு இடையூறு விளைவிக்கும் என்று எச்சரித்துள்ளது.