அமெரிக்காவில் போராட்டம் நடத்துபவருக்கு ஆதரவு வழங்கும் டிரம்பின் மகள் டிபானி!
அமெரிக்காவில் கருப்பினத்தவர் ஒருவர் பொலிசாரின் நடவடிக்கையில் உயிரிழந்த சம்பவத்தை கண்டித்து இடம்பெற்று வருகின்ற போராட்டங்களுக்கு அந்நாட்டு ஜனாதிபதியின் 2ஆவது மனைவியின் மகள் டிபானி (Tiffany) ஆதரவு தெரிவித்துள்ளார். புளோயிட் என்ற கறுப்பினத்தவர் பொலிஸாரால் பிடிக்கப்பட்ட போது, அதிகாரி ஒருவர் முட்டிப்போட்டு கழுத்தை அழுத்தியதால் பரிதாபமாக இறந்தார்.
இதைக் கண்டித்து போராட்டங்கள் நடைபெறும் நிலையில்,அதற்கு ஆதரவாக சமூக இணையதளங்களில் கருப்பு புகைப்படத்தை பலரும் பதிவிட்டு வருகின்றனர். அதேபோல் டிபானியும் புகைப்படத்தை பதிவிட்டு, தனியாக செயல்பட்டால் சிறிதே சாதிக்க முடியும், இணைந்து செயல்பட்டால் அதிகம் சாதிக்கலாம் என கூறியுள்ளார்.