எதிர்வரும் 16 ஆம் திகதி முதல் சீனாவின் அனைத்து விமான சேவையை முற்றாக ரத்து செய்யவுள்ள அமெரிக்கா..!!

எதிர்வ்ரும் 16 ஆம் திகதி முதல் சீனாவின் அனைத்து விமான சேவைக்கும் தடை விதிக்கப்படுவதாக அமெரிக்க விமான போக்குவரத்துத்துறை அறிவித்துள்ளது. உயிரைக் குடிக்கும் கொரோனா வைரஸ் தொற்றுக் காரணமாக அங்கு சர்வதேச விமானப் போக்குவரத்து நிறுத்தப்பட்டு இருந்த நிலையில், கடந்த 01 ஆம் திகதி முதல் படிப்படியாக விமான சேவை மீண்டும் ஆரம்பிக்கப்பட்டுள்ளது. இந்நிலையில், சீனாவுக்கு பயணிகளுக்கான விமான சேவையை மீண்டும் ஆரம்பிக்க அமெரிக்கா முன்வைத்த கோரிக்கையை அந்நாட்டு அரசு முற்றாக நிராகரித்தது.

அதையடுத்து, தங்களுடனான விமானப் போக்குவரத்து ஒப்பந்தத்தை சீனா மீறியுள்ளதால், அந்நாட்டு விமான சேவையை எதிர்வரும் 16 ஆம் திகதி முதல் நிறுத்துவதாக அமெரிக்கா அறிவித்துள்ளது. ஜனாதிபதி டோனால்ட் டிரம்ப் உத்தரவிட்டால் முன்கூட்டியே இந்த தடை அமலுக்கு வர வாய்ப்புள்ளதாகவும் தெரிவிக்கப்பட்டுள்ளது.