உலக புகழ்பெற்ற மலையேற்ற வீரர் பிராட் கோப்ரைட் உயிரிழப்பு..!!!

மலையேறுவதில் உலக அளவில் பிரபல்யம் அடைந்த பிராட் கோப்ரைட் என்ற நபர் மலையின் உச்சியில் இருந்து சற்றும் எதிர்பாராத வகையில் 1000 அடி உயரத்தில் இருந்து தவறி விழுந்து சம்பவ இடத்திலேயே உயிரிழந்துள்ளார். பிராட் கோப்ரைட் மற்றும் அவரது நண்பரும், சக மலையேற்ற வீரருமான அய்டன் ஜேக்கப்சன் ஆகிய இருவரும் மெக்சிகோ நாட்டின் வடக்கு பகுதியில் உள்ள ‘எல் பொட்ரெரோ சிக்கோ’ மலையில் ஏறியுள்ளனர்.

பிராட் கோப்ரைட் மலையின் உச்சியை அடைந்து சற்றும் எதிர்பாராத வகையில் ஆயிரம் அடி உயரத்தில் இருந்து தவறி விழுந்தார். அதில் அவர் சம்பவ இடத்திலேயே உயிரிழந்துள்ளார். அதன் படி அய்டன் ஜேக்கப்சனும் மலையிலிருந்து தவறி விழுந்தார். ஆனால் அவர் குறைவான உயரத்தில் இருந்து விழுந்ததால் காயங்களுடன் உயிர் தப்பினார்.

பிராட் கோப்ரைட் உயிரிழப்புக்கு உலகம் முழுவதிலும் உள்ள மலையேற்ற வீரர்கள் அதிர்ச்சியும், இரங்கலும் கூறியுள்ளனர். கடந்த 2017 ஆம் ஆண்டு அமெரிக்காவின் கலிபோர்னியா மாகாணத்திலுள்ள உலகின் மிக உயரமான சிகரங்களில் ஒன்றான ‘எல் கேப்டன்’ சிகரத்தில் எந்த வித பாதுகாப்பு உபகரணங்களும் இன்றி மிக குறுகிய நேரத்தில் ஏறி சாதனை படைத்துள்ளார்.