2 மின்-ஸ்கூட்டர் பகிர்வு நிறுவனங்களுக்கு அபராதம்…!!!
சிங்கப்பூரில் பொது இடங்களில் சேவை வழங்கும் உரிமம் இல்லாமல் செயல்பட்ட காரணமாக 2 மின்-ஸ்கூட்டர் பகிர்வு நிறுவனங்களுக்கு அபராதம் விதிக்கப்பட்டுள்ளது.
Neuron Mobility, Telepod எனப்படும் நிறுவனங்கள், குறிப்பிட்ட சில பகுதிகளில் மட்டும் மின்-ஸ்கூட்டரை நிறுத்தக்கூடிய நிலையச் சேவையை வழங்கி வருகின்றது. நிறுவனங்களுக்கு அதற்கு உரிய உரிமம் தான் உள்ளது. இருப்பினும் கடந்த வருடம் நிறுவனங்கள் பொது இடங்களில் பல முறை சேவை வழங்கியதாக நிலப் போக்குவரவு ஆணையம் கூறியுள்ளது.
Telepod – கடந்த வருடம் ஜூலை மாதம் 14 ஆம் திகதிக்கும் இந்த வருடம் பிப்ரவரி மாதம் 19 ஆம் திகதிக்கும் இடைப்பட்ட காலத்தில் 48 மின்-ஸ்கூட்டர்கள் பொது இடங்களில் கண்டுபிடிக்கப்பட்டன. Neuron Mobility- கடந்த வருடம் அக்டோபர் மாதம் 10 ஆம் திகதிக்கும் இந்த வருடம் பிப்ரவரி மாதம் 12 ஆம் திகதிக்கும் இடைப்பட்ட காலத்தில் 93 மின்-ஸ்கூட்டர்கள் பொது இடங்களில் கண்டுபிடிக்கப்பட்டன.
Telepod நிறுவனத்திற்கு 16,000 வெள்ளியும் Neuron Mobility நிறுவனத்திற்கு 38,000 வெள்ளியும் அபராதம் விதிக்கப்பட்டுள்ளது.