4 வருடங்களாக காதலிக்கிறேன், சீக்கிரம் திருமண திகதி அறிவிக்கிறேன், விஷாலுடனான காதல் சர்ச்சைக்கு முற்றுப்புள்ளி வைத்த லக்ஷ்மி மேனன்.!!
சினிமா என்றாலே கிசுகிசுக்கள் இருக்கும், அதிலும் சில நடிகைகள் என்ன செய்தாலும், யாருடன் பேசினாலும் அவர் அவரை காதலிக்கிறார், அல்லது அவர் அந்த நபரை திருமணம் செய்துகொண்டார் என வதந்திகள், கிசுகிசுக்கள் அதிகரித்து விடும். அப்படி சினிமாவிற்கு வந்ததில் இருந்து கிசுகிசுக்களில் சிக்கியவர் நடிகை லக்ஷ்மி மேனன். தமிழில் சசிகுமாரின் சுந்தரபாண்டியன் திரைப்படத்தில் அறிமுகமானார்.
முதல் திரைப்படம் சூப்பர் ஹிட்டான நிலையில் தொடர்ந்து கும்கி, குட்டிபுலி, பாண்டிய நாடு, நான் சிவப்பு மனிதன், மஞ்சப் பை, ஜிகர்தண்டா, கொம்பன், வேதாளம், மிருதன், ரெக்க, புலிகுத்தி பாண்டி, என ஹிட் திரைப்படங்களை கொடுத்தார். 15 வயதில் ஹீரோயினாக அறிமுகமான லக்ஷ்மி மேனன் 16 வயதில் நடிகர் விஷாலை காதலிப்பதாக கூறப்பட்டது.
இருவரும் பாண்டிய நாடு, நான் சிவப்பு மனிதன் போன்ற திரைப்படங்களில் மிக நெருக்கமாக நடித்தது மட்டும் இன்றி ஹோட்டல், நிகழ்வுகள் என அனைத்திற்கும் ஜோடியாகவே சென்றனர். விஷாலை விட 18 வயது குறைந்தவரான லக்ஷ்மி மேனன் விஷாலை திருமணம் செய்வாரா என்ற கேள்வி இருந்த நிலையில் படிப்பிற்காக சினிமாவை விட்டுச் சென்றார் லக்ஷ்மி மேனன்.
இதனால் சில காலம் அவரை ரசிகர்கள் மறந்து போக விஷால் வரலக்ஷ்மி, அனிஷா ரெட்டி என சென்று விட்டார். மீண்டும் சினிமாவிற்கு வந்த லக்ஷ்மி மேனன் தற்போது சில திரைப்படங்களில் நடித்து வருகிறார். அண்மையில் விஷாலுடன் நிகழ்வு ஒன்றுக்கு சென்றதால் மீண்டும் கிசுகிசுக்களில் சிக்க விஷால் எனக்கு அண்ணா போல் என கூறியுள்ள லக்ஷ்மி மேனன் 4 வருடங்களாக இளைஞர் ஒருவருடன் காதலில் இருப்பதாகவும் சீக்கிரம் திருமணம் செய்து கொள்ளப் போவதாகவும் தெரிவித்துள்ளார்.!!
