காமெடி நடிகர் வடிவேலுவின் பிறந்த நாளை கொண்டாடப் போவதில்லை.! ரசிகர்கள் அதிரடி..!!
தமிழ் சினிமாவின் முன்னணி காமெடி நடிகராக இருப்பவர் நடிகர் வடிவேலு. வடிவேலுவின் பிறந்த நாள் இன்றாகும், பொதுவாக வடிவேலுவின் பிறந்த நாளை ரசிகர்கள் சிறப்பாக கொண்டாடுவது வழக்கமாகும். ஆனால் இம்முறை வடிவேலுவின் பிறந்த நாளை கொண்டாடுவது இல்லை என வடிவேலு ரசிகர் மற்றங்கள் பல அறிவித்துள்ளன.
அண்மையில் மாரடைப்பால் மரணமடைந்த வடிவேல் பாலாஜிக்காக இந்த முடிவை எடுத்ததாக ரசிகர் மற்றங்கள் தெரிவித்துள்ளன. விஜய் தொலைகாட்சியின் ஊடாக ரசிகர்களுக்கு அறிமுகமான வடிவேல் பாலாஜி வடிவேல் போல் காமெடி செய்து ரசிகர்களை மகிழ்வித்து வந்தார்.
அச்சு அசல் வடிவேல் போல் பாலாஜி நடந்துகொள்வதால் வடிவேல் பாலாஜி என்று அழைக்க ஆரம்பித்தனர். கடந்த இரண்டு நாட்களுக்கு முன்பு வடிவேல் பாலாஜி மாரடைப்பால் மரணமடைந்தார். இவரது மரணத்திற்கு காமெடி நடிகர் வடிவேல் தனது அனுதாபத்தை தெரிவித்திருந்தார்.
இந்த நிலையில் வடிவேல் பாலாஜியின் மரணத்திற்கு இரங்கல் தெரிவிக்கும் விதத்தில் வடிவேலுவின் பிறந்த நாள் கொண்டாடுவதில்லை என்று தீர்மானிக்கப் பட்டதாக தெரிவிக்கப் படுகின்றது..!