நடிகர் இர்பான் கானின் மரணத்தை தொடர்ந்து இன்றைய தினம் திடீரென மரணமடைந்த இன்னுமொரு இந்திய பிரபல நடிகர்..! இருவரின் மரணத்தால் சோகத்தில் திரையுலகத்தினர்..!!

நேற்றைய தினம் சினிமா ரசிகர்களை சோகத்தில் ஆழ்த்திய மரணம் என்றால் அது இர்பான் கானின் மரணம் தான். ஹிந்தி சினிமாவில் தனது சிறப்பான நடிப்பால் ரசிகர்களை கவர்ந்த இவர் ஆங்கில சினிமாவிலும் கால் பதித்து ஏராளமான விருதுகளை குவித்தார்.

அதன் பின் புற்றுநோயால் பாதிக்கப் பட்டு குணமடைந்து மறுபடியும் பாதிக்கப் பட்ட நிலையில் நேற்றைய தினம் மரணமடைந்தார். மரணமடையும் போது இர்பான் கானின் வயது 53. இந்த இழப்பு ரசிகர்களை சோகத்தில் ஆழ்த்தியிருந்த நிலையில் இன்று இன்னுமொரு பிரபல நடிகர் மரணமடைந்துள்ளார்.

ஹிந்தி சினிமாவில் முன்னணி நடிகராக இருக்கு ரிஷி கபூர் உடல் நலக் குறைவால் இன்று மரணமடைந்துள்ளார். 68 வயதாகும் ரிஷி கபூர் ஹிந்தி திரையுலகம் கொண்டாடும் அனுபவம் வாய்ந்த நடிகர்களில் ஒருவராவார்.

இவர் திடீரென ஏற்பட்ட உடல் நலக் குறைவால் மரணமடைந்துள்ளதாக குடும்பத்தினர் அறிவித்துள்ளனர். முன்னணி நடிகர்களின் மரணங்கள் ஹிந்தி திரையுலகிற்கு மிகப் பெரிய இழப்பாகும்..!