காமெடி நடிகர் யோகி பாபுவிற்கு குழந்தை பிறந்துள்ளது.!! வாழ்த்தும் பிரபலங்கள். வாழ்த்துக்கள் யோகி பாபு.!!

காமெடி நடிகர் யோகி பாபுவிற்கு இன்று குழந்தை பிறந்துள்ளது, இதனை நடிகர் மனோபாலா அறிவித்துள்ளார். சாதாரண அடி ஆளாக சினிமாவில் தனது பயணத்தை ஆரம்பித்த யோகி பாபு, பின் ஹீரோவின் நண்பனின் நண்பன், ஹீரோவின் நண்பன், காமெடியன், ஹீரோ என அசத்திக் கொண்டிருக்கின்றார்.

லேடி சூப்பர் ஸ்டார் நடிகை நயன்தாராவின் ஜோடியாகவும் யோகி பாபு நடித்துவிட்டார், தற்போது தமிழ் சினிமாவில் உள்ள முன்னணி காமெடி நடிகர்களில் முதலிடத்தில் இருக்கும் யோகி பாபுவிற்கு இந்த வருடம் திருமணமானது.

உறவினர்கள் மட்டுமே கலந்துகொண்ட இவரது திருமணம் கோயிலில் தாலி கட்டுடன் முடிந்தது, ஆனால் திருமண வரவேற்பை பெரிதாக செய்ய வேண்டும் என யோகி பாபு பிரபலங்களுக்கு அழைப்பு விடுத்திருந்தார், ஆனால் கொரோனா வைரஸ் காரணமாக அதுவும் இடம்பெற வில்லை.

இந்த நிலையில் இன்றைய தினம் நடிகர் மனோபாலா அவர்கள் தனது டுவிட்டர் பக்கத்தில் நண்பர் யோகி பாபுவிற்கு ஆண் குழந்தை பிறந்துள்ளது என பதிவிட்டுள்ளார், தற்போது யோகி பாபுவும் எங்கள் குடிம்பத்திற்கு புது வரவு வந்துள்ளது என கூறியுள்ளார். இதனை பார்த்த ரசிகர்கள் யோகி பாபுவிற்கு வாழ்த்து கூறி வருகின்றனர்.!!

நண்பன் யோகி பாபுவுக்கு ஆண் குழந்தை… மிகவும் மகிழ்ச்சி… தாயும் சேயும் நலம்…

— Manobala (@manobalam) December 28, 2020