“இந்த தகவல் முற்றிலும் தவறானது…என்னைப் பற்றி தவறான செய்திகளை பரப்பாதீர்கள்.” புகைப்படத்துடன் கோபமாக யோகி பாபு பகிர்ந்த பதிவு…!!
ஆயிரத்தில் ஒருவராக சினிமாவில் தனது பயணத்தை ஆரம்பித்து தனி ஒருவனாக நின்று சாதித்து வருபவர் காமெடி நடிகர் யோகி பாபு. துணை நடிகர், அடியாள், காமெடியன், என நடித்து தற்போது ஹீரோவாகவும் நடித்துக் கொண்டிருக்கின்றார் யோகி பாபு.
பல கிசுகிசுக்களுக்கு பிறகு அண்மையில் திருமணம் செய்துகொண்ட யோகி பாபு தற்போது ஏராளமான திரைப்படங்களை கைவசம் வைத்திருக்கிறார். இந்த நிலையில் அண்மையில் இணையத்தில் வைரலான பர்ஸ்ட் லுக் போஸ்டரால் யோகி பாபு டென்சனானதுடன் அது தொடர்பான பதிவொன்றையும் இட்டுள்ளார்.
நீண்ட நாட்களாக வெளிவராமல் இருக்கும் திரைப்படமான “தெளலத்”தில் யோகி பாபு சிறிய கதாபாத்திரம் ஒன்றில் நடித்து வருகிறார். இயக்குனர் சக்தி சிவன் இயக்கி நடிக்கும் இந்த திரைப்படத்தில் ராஷ்மி கவுதம் ஹீரோயினாக நடிக்கிறார். இந்த திரைப்படத்தின் போஸ்டர் ஒன்று அண்மையில் இணையத்தில் வெளியான நிலையில் இதில் யோகி பாபு ஹீரோவாக நடிப்பது போல் சித்தரித்துள்ளனர்.
ஆனால் இதனை மறுத்துள்ள யோகி பாபு இது முற்றிலும் தவறான விடயமாகும். இந்த போஸ்டர் பொய்யானதாகும், இதற்கும் எனக்கும் சம்மந்தம் இல்லை, இனி இது போன்ற தவறான செய்திகளை பரப்ப வேண்டாம் என கேட்டுக்கொண்டுள்ளார்..!!
இன்று இந்த விளம்பரம் பார்த்தேன். எனக்கும் ’தெளலத்’ படத்துக்கும் எந்தவித சம்பந்தமும் இல்லை எனத் தெரிவித்துக் கொள்கிறேன். pic.twitter.com/cJTJAulEbk
— Yogi Babu (@iYogiBabu) August 12, 2020