அறிவிப்பு, நடிப்பை, தொடர்ந்து புது அவதாரம் எடுக்கும் ஆர் . ஜே பாலாஜி..!
எல்.கே.ஜி. படத்தில் கதையின் நாயகனாக நடித்து அனைவரதும் பாராட்டினை பெற்ற நடிகர் ஆர்.ஜே.பாலாஜி, அடுத்து மூக்குத்தி அம்மன் எனும் படத்தினை கதை, திரைக்கதை, வசனம் எழுதி என்.ஜே.சரவணனுடன் இணைந்து இயக்கவுள்ளார்.
இந்த படத்தில் லேடி சூப்பர் ஸ்டார் நயன்தாரா ஒப்பந்தமாகியுள்ளார். படத்தில் ஒரு முக்கிய கருத்தினை மையப்படுத்தியே இப்படம் உருவாக்கப்படுகின்றது. அந்த கருத்தினை மக்களிடம் கொண்டு செல்ல நயன்தாரா போன்ற ஒருவர் தேவை என்பதால் அவரிடம் பேசியபோது அவரும் ஒத்துக் கொண்டுள்ளார்.
இப்படத்தின் இன்னுமொரு முக்கிய அம்சமாக படத்தில் 4 பாடல்கள் உள்ளன. இவ் நான்கு பாடல்களையும் வேறு வேறு நான்கு இசையமைப்பாளர்கள் உருவாக்கவுள்ளார்கள்.
முழுக்க முழுக்க காமெடியுடன் உருவாக இருக்கும் இப்படத்தினை வேல்ஸ் பிலிம் இண்டர்நேஷனல் சார்பில் ஐசரி கணேசன் தயாரிக்க உள்ளார்.