ஒன்லைனில் பொருட்கள் வாங்க முன்பு இதையெல்லாம் செக் பண்ணிக் கொள்ளுங்க!

பண்டிகைகள் ஆரம்பித்துவிட்டன. இனித் தொடர்ந்து  தளு்ளுபடிகளின் காலம். தற்போது அனைவரும் கடையில் ஏறி இறங்கிப் பொருட்களை வாங்குவதை விட வீட்டிலிருந்தபடியே ஒன்லைனில் ஆர்டர் செய்து வாங்கவே விரும்புகின்றார்கள். இதற்குக் காரணம் நேரத்தை வரயமாக்கத் தேவையில்லை, விரும்பியதைத் தேர்ந்தெடுத்துக்கொள்ளலாம, அலைச்சல் எதுவும் இல்லை ஆகியவையே ஆகும்.

அந்தவகையில் நீங்கள் ஒன்லைனில் பொரட்களை ஆர்டர் செய்து வாங்கும்போது பல விடயங்களைக் கவனிக்கவேண்டியது அவசியம். இல்லையேல் தரமற்ற பொருட்களை அதிக விலைக்கு உங்கள் தலையில் கட்டி விடுவார்கள். ஏனெனில் இது வியாபாரத்தை நோக்கமாகக் கொண்ட உலகமாகும்.

தேவையானதை மட்டும் வாங்குங்கள்

ஆன்லைன் ஷாப்பிங் செய்யும்போது தேவையானதை மட்டும்தான் வாங்குவோம். கண்ணில் படுவதெல்லாம் வாங்கிக் குவிக்க வேண்டாமே!. அதனால் பணமும் மிச்சம். போக்குவரத்து செலவும் மிச்சம். என்னென்ன வாங்குகிறோம் எனும் பட்டியல் எப்போதும் நமது ‘கிரெடிட் கார்ட்’ ஹிஸ்டரியில் இருக்கும். ‘பணமெல்லாம் எப்படிப் போச்சுனு தெரியலையே!’ என குழம்ப வேண்டியிருக்காது.

விலையைக் கவனியுங்கள்

பெரும்பாலான ஒன்லைன்  விற்பனை நிலையங்கள் அதிகமான விலக்கே பொருட்களை விற்கின்றன. நாம் அந்தப் பொருளின் பெறுமதி தெரியாமல் விளம்பரங்களை நம்பி அவர்களின் வலையில் விழுந்துவிடக் கூடாது. பல இணையதளங்களை ஒப்பிட்டு குறைந்த விலை எங்கே கிடைக்கிறது என்று பார்க்க வேண்டும். அதுவும் தரத்திற்கேற்ற வகையில் விலை இருக்கிறதா என்று ஒன்றிற்கு அரண்டு தடவை செக் செய்து கொள்ளுங்கள்.

சலுகைகளை நம்பி ஏமாறாதீர்கள்

ஆன்லைனில் நம்மை ஈர்ப்பதற்காக நம்ப முடியாத சலுகைகள் கொடுத்தால், கிடைத்தவரை லாபம் என்று பொருட்களை வாங்காதீர்கள். அது, பல பிரச்சினைகளில் உங்களைக்கொண்டு போய்ச் சேர்க்கும். மேலும், நீங்கள் பார்க்கும் பொருட்களின் விலையை, மற்ற இடங்களில் விற்பனை செய்யும் அதே பொருட்களின் விலையை ஒப்பீடு செய்துகொண்டு முன்னெச்சரிக்கையாகச் செயல்படுவது அவசியம். அதாவது, ஒன்றுக்கு மேற்பட்ட இடங்களில் உள்ள அதே பொருட்கள் விலை அதிகமாகவும், குறிப்பிட்ட அந்த இணையதளத்தில் விலை குறைவாகவும் மற்றும் அந்தப் பொருட்களின் படங்கள் நம்மை மிகவும் கவர்வதுபோலவும் இருந்தால், அந்த இணையதளத்துக்கு பை சொல்லி வெளியேறுங்கள்

டெலிவரி மற்றும் பில் விடயங்கள்

டெலிவரி எப்போது என்பதை நன்றாக பார்த்துக்கொள்ள வேண்டும். விரைவான டெலிவரிக்கு உத்திரவாதம் உண்டா? சற்று தாமதமான டெலிவரிக்கு கேஷ்பேக் சலுகை உள்ளதா? என்றெல்லாம் பார்க்கலாம்.வாங்கும் பொருட்களுக்கான பில் மற்றும் கணக்கில் விதிக்கப்பட்ட அங்கீகரிக்கப்படாத கட்டணங்களைத் திரும்பப் பெறவதற்கு, அதன் பில் அவசியமாகிறது. ஒருவேளை இணையதளங்கள் கட்டணங்களைத் திரும்பத் தராவிடில், அவர்கள் மீது நீதிமன்றம் வாயிலாக வழக்குத் தொடுத்து உங்கள் பணத்தைத் திரும்பப் பெறுவதற்கு பில் உதவும்.

பாதுகாப்பான இயைத்தளமா என்று செக் பண்ணுங்கள்
உங்கள் கிரெடிட், டெபிட் கார்டுகள் அல்லது வங்கிக் கணக்கு சார்ந்த தகவல்களை ஒன்லைன் ஆர்டர்களின்போது அனுப்பும்போது, அந்த இணையதளம் பாதுகாப்புச் செய்யப்பட்டதா என அறிந்தபின்பு தகவல்களைச் சொல்லுங்கள். அதாவது, https:// என்று உள்ளதா என்பதைக் கவனிக்க வேண்டும். மேலும், அதன் பேட்லாக் ஐகானை செக் செய்துகொள்வது நல்லது. வங்கி சம்பந்தப்பட்ட தகவல்கள் அனுப்பும்போது அந்த இணையதளம் நீட்டிக்கப்பட்ட மதிப்பாய்வுச் சான்றிதழ்பெற்றுள்ளதா என்பதையும் நினைவில்கொண்டு செயல்படுங்கள்.

”புரட்சி வானொலி தனக்கென்று தனித்துவமான முறையில் செய்திகளை வழங்கி வருகின்றது. இங்கே உங்களிற்கு சங்கடமான / இடையூறான பதிவுகள் இருந்தால் அறியத் தாருங்கள். பரிசீலனை செய்யக் காத்திருக்கிறோம். புரிந்துணர்வுடன் தொடரும் தங்களின் ஒத்துழைப்பிற்கு நன்றி!! புரட்சி வானொலியின் பதிவுகள் அனைத்தும் காப்புரிமைக்கு உட்பட்டது. அனுமதியின்றி நகல் எடுப்பது தடை செய்யப்பட்டுள்ளது. The Puradsi FM is giving you unique information. Please let us know if there are any unpleasant / obsolete recordings. They will be deleted! All of the Puradsi FM records are patented. Duplicate without permission is prohibited.”