ஏ ஆர் ரஹ்மான் அவர்களின் தாயார் கரீமா பேகம் அவர்கள் சற்று முன்னர் மரணம்.!! புரட்சி வானொலியின் ஆழ்ந்த அனுதாபங்கள்.!!

ஏ ஆர் ரஹ்மான் அவர்களின் தாயார் கரீமா பேகம் அவர்கள் உடல் நலக் குறைவால் மரணமடைந்த செய்தி ரஹ்மான் ரசிகர்களை மிகவும் சோகத்தில் ஆழ்த்தியுள்ளது. ஏ ஆர் ரஹ்மான் தனது வளர்ச்சி பற்றி பேசும் போதெல்லாம் தனது தாயாருக்கு முதலிடம் கொடுத்து வருபவர்,

சிறு வயதில் இருந்து தனது சகோதரிகள் மற்றும் தன்னுடைய வளர்ச்சிக்காக மிகவும் பாடு பட்டவர் தனது தாயார் என்றும், 25 வயதில் தற்கொலை செய்துகொள்ள ரஹ்மான் முடிவு செய்த போது தாயாரை பற்றி நினைத்தே தற்கொலை எண்ணத்தை மாற்றிக் கொண்டதாக கூறி இருந்தார்.

கரீமா பேகம் அவர்களும் இது வரை தனது மகள் மற்றும் மகன் இன்றி எந்த ஒரு பண்டிகையையும் கொண்டாடியது இல்லை, இவர் கடந்த சில மாதங்களாக உடல் நலக் குறைவால் அவதி பட்ட நிலையில் இன்றைய தினம் மரணமடைந்துள்ளார்.

தாயாருக்காக வெளி நாட்டு பயணங்களை தவிர்த்த ரஹ்மான் அவர்கள் இறுதி நேரத்தில் தாயாருடன் இருந்ததாக கூறப்படுகின்றது. தாயாரின் இறுதி கிரியைகள் இன்றைய தினம் நடைபெறும் என ரஹ்மானின் சகோதரி அறிவித்துள்ளார்..! ஆத்மா சாந்திக்காக நாமும் பிரார்த்திப்போம்..!!