ஐரா திரைப்பட நாயகி யூடியூப் பிரபலம் கேப்ரில்லாவிற்கு திருமணம்..! இதோ நிச்சயதார்த்த புகைப்படம்.!

விஜய் டிவியின் கலக்கப் போவது யாரு நிகழ்ச்சியூடாக மக்களுக்கு அறிமுகமானவர் நடிகை கேப்ரில்லா செலஸ். இவர் அம்புலாலி, kolli, vaemba, போன்ற குறும்படங்களில் நடித்திருந்த நிலையில் பா ரஞ்சித் அவர்களின் இயக்கத்தில் வெளியான சூப்பர் ஸ்டாரின் கபாலி திரைப்படத்தில் சிறிய ரோலில் நடித்தார்.

அதன் பின் டிக் டாக் வீடியோ மூலம் நல்ல/ கெட்ட விமர்சனங்களை கலவையாக பெற்றார். பின் நயன்தாராவின் நடிப்பில் வெளியான ஐரா திரைப்படத்தில் சின்ன வயது நயன்தாராவாக தோன்றி பாராட்டுகளை பெற்றார். இந்த நிலையில் தனக்கு திருமணம் என அறிவித்துள்ளார் நடிகை கேப்ரில்லா.

ஒளிப்பதிவாளரான தனது நீண்ட நாள் காதலன் ஆகாஷ் என்பவருடன் நிச்சயதார்த்தம் முடிந்துள்ள நிலையில் இதனை அறிவித்துள்ளார். இது பற்றி கேப்ரில்லா கூறுகையில் என் அப்பாவும் அம்மாவும் தலைமை ஆசிரியர்கள்..ஆசிரியர் பிள்ளை மக்கு என்பது போல் நானும் மக்கு.

எனது திறமை நடிப்பு என்பதை அறிந்த என் பெற்றோர் எனக்கு உதவினார்கள் அதனால் நான் நடிப்புக்கு வந்துவிட்டேன். ஆகாஷின் அப்பா நக்கீரன் பத்திரிகையில் நல்ல பொறுப்பில் இருப்பவர். நானும் ஆகாஷும் முதலில் நண்பர்களாக பழகினோம்.

என்னில் அதிகம் கவனம் எடுத்த ஆகாஷ் என்னை நேசிப்பதை புரிந்துகொண்டு காதலிக்க தொடங்கினோம். எப்படி வீட்டில் சொல்வதென்று தெரியாமல் நான் ஆகாஷின் அப்பாவிற்கு கால் செய்து காதலிப்பதை கூறினேன். அட இவ்வளவு தானே என கூறி எங்கள் இருவருக்கும் நிச்சயதார்த்தமும் செய்து வைத்துவிட்டார்கள்.

ஆகாஷ் ஹிந்து, நான் கிருஸ்தவம் ஆனால் எங்கள் இரண்டு வீட்டிலும் எதிர்ப்பு இல்லை. ஜனவரியில் திருமணம் என கூறி சிரிக்கிறார். வாழ்த்துக்கள் கேப்ரில்லா & ஆகாஷ்.