தாமரைச் செல்வியை டார்கெட் செய்யும் போட்டியாளர்கள், தகாத வார்த்தைகளை பயன்படுத்துவதால் கடுப்பில் ரசிகர்கள்.!
பிக் பாஸ் நிகழ்ச்சியில் அத்துமீறும் வார்த்தைகள் பயன்படுத்தப் படுவதாக புகார் எழுந்துள்ளது. பிக் பாஸ் அல்டிமேட் நிகழ்ச்சி ஆரம்பிக்கப் பட்டு தற்போது ஓடிக்கொண்டிருக்கும் நிலையில் நிகழ்ச்சியில் நடக்கும் சில விடயங்கள் அதிர்ச்சியை ஏற்படுத்தி வருகின்றது.
பிக் பாஸ் நிகழ்ச்சியில் மது, மற்றும் புகைத்தலை வெளிப்படையாக காட்டாத நிலையில் பிக் பாஸ் அல்டிமேட் நிகழ்ச்சியில் அனைத்தையும் காட்டுகின்றனர். அது மட்டும் இன்றி நெருக்கம் காட்டுவது, தகாத வார்த்தைகள் பயன்படுத்துவது என்று தற்போது பிக் பாஸ் அல்டிமேட் மிக மோசமாக சென்று கொண்டிருக்கின்றது. குறிப்பாக சுரேஷ் சக்ரவர்த்தி, வனிதா ஆகியோர் பேசுவது அருவருப்பாக உள்ளது.
இந்த நிலையில் தாமரைச் செல்வியை டார்கெட் செய்துள்ள போட்டியாளர்கள் அவரை தவறாக காட்ட முயற்சித்து வருகின்றனர். இதனை அசால்ட்டாக தெரிந்துகொண்ட பாலாஜி தாமரைச் செல்விக்காக பேசியுள்ளார். இதனை தொடர்ந்து பிக் பாஸ் அல்டிமேட் நிகழ்ச்சியில் தகாத வார்த்தைகள் பயன்படுத்துவதை நிறுத்த வேண்டும் என்றும், இது தொடர்ந்தால் நிகழ்ச்சிக்கு எதிராக சர்ச்சைகள் வெடிக்கும் என்றும் விமர்சகர்கள் கூறி வருகின்றனர்.!
