உங்கள் வாடிக்கையாளரை சரியாகக் கவனிக்கின்றீர்களா?
உங்கள் வியாபரத்தை கொண்டு நடத்துவது யார் தெரியுமா? முதலீட்டாளார்களா? இல்லை! நீங்களா? இல்லை! ஆம் உங்கள் வியாபாரத்தைக் கொண்டு நடத்துவது நீங்களொ அல்லது முதலீட்டாளர்களோ அல்லது உங்களுடைய உற்பத்திப் பொருட்களோ அல்ல. மிகச்சரியாகச் சொல்லப் போனால் உங்கள் வியாபரத்தை கொண்டு நடத்துவது வடிக்கையாளர்கள்தான்.
உங்கள் வாடிக்கையாளர்களை நீங்கள் சரியாகக் கவனிக்கிறீர்களா?
உண்மையில் ஒரு சிறந்த வியாபாரி ஆனவர் வாடிக்கையாளர்கள் தங்களுடைய தேவைக்கென நாடி வருகின்றபோது அவர்களை தொடர்ச்சியாக தன்னுடைய வியாபாரத்தை நாடி வருகின்ற விருப்பத்தை ஏற்படுத்தக் கூடிய ஒருவராக இருக்கவேண்டும்.
ஜெசிக்கா அல்பா என்கின்ற அமெரிக்க தொழிலதிபர் வாடிக்கையாளர் பற்றி பின்வருமாறு குறிப்பிடுகிறார். அதாவது “ வாடிக்கையாளர்கள் தங்களுடைய விருப்பத் தெரிவுகள், மறுப்புக்கள் ஆகியவற்றிலிருந்து உங்களுக்க புதிய பாடங்களைக் கற்பிக்கின்றார்கள்”
உங்கள் வாடிக்கையாளருடன் சரியான தொடர்புகளை வளர்த்துக் கொள்வதற்கான சில வழிகளை இங்கு கூறுகின்றேன்.
ஒரே மாதிரியான அணுகுமுறைகளைப் பின்பற்றாதீர்கள்.
நீங்கள் முதலில் ஒன்றை உணர்ந்து கொள்ளுங்கள் உங்களுடைய ஒவ்வொரு வாடிக்கையாளர்களும் வேறுபட்டவர்கள். அவர்களுக்கென்று தனழத்த தன்மைகள், வேறுபட்ட விருப்பத் தெரிவுகள் ஆகியன காணப்படுகின்றன. எனவே உங்களுடைய ஒவ்வொரு வாடிக்கையாளரையும் சிறப்பாக உணர வையுங்கள். அதாவது உங்கள் பேச்சின் மூலமாகவும் அவர்களுக்கான தெரிவுகளைப் பரிந்துரைக்கும் விதத்திலும் புதிய புதிய வழிகளைப் பின்பற்றங்கள். இதன் மூலமாக அவர்கள் தங்களை சிறப்பு வாடிக்கையாளர்களாக உணர்வார்கள்.
அவர்களுடைய சந்தேகங்களுக்குப் பதிலளியுங்கள்.
வியாபாரத்தில் நல்லது செய்தால் அல்லது வாடிக்கையாளர்கள் திருப்தியடைந்தால் மட்டும் உயர்வு கிடைக்காது. உங்கள் வாடிக்கையாளர்கள் உங்களை மதிக்க வேண்டுமென நீங்கள் விரும்புகிறீர்களானால், அவற்றை நீங்கள் மகிழ்ச்சியுடன் செய்ய உங்கள் ஒப்புக்கொடுத்தலை நிரூபிக்க வேண்டும்.
ஆம் முதலில் அவர்களுக்கு உங்கள் உற்பத்திப் பொருட்கள் தொடர்பாக எழுகின்ற கேள்விகள், சந்தேகங்கள், கவலைகள் போன்றவற்றிற்கு சரியான பதிலைக் கொடுத்தீர்களேயானால் நீங்கள் கில்லாடிகள்தான். பொதுவாக வாடிக்கையாளர்களுடைய சந்தேகங்கள் , கேள்விகள் பின்வருமாறு அமைந்திருக்கும்.
- இந்தப் பொருள் எனக்குப் பொருத்தமானதா?
- விலை அதிகமாக இருக்கிறதா?
- தரமான பொருளா இது?
- எத்தனை காலம் இந்தப் பொருளை பாவிக்க முடியும்?
மேற்கறித்த கேள்விகளுக்கான சரியான , வாடிக்கையாளரை திருப்திப்படுத்தும் விடைகளைானவை அவர்களை மேலும் உங்கள் வியாபாரத்தை நோக்கி வர வைப்பதற்கான உத்தியாக இருக்க முடியும்.
வாடிக்கையாளரை பணப்பரிமாற்றத்திற்குரியவர்கள் மட்டுமே என்ற எண்ணத்தை மாற்றிக் கொள்ளுங்கள்.
உண்மையில் எந்த விற்பனையாளரையும் வாடிக்கையாளருக்குப் பிடிப்பதில்லை. எப்போது தெரியுமா? வெறும் பணப் பரிமாற்ற சேவை இருவருக்கிடையிலும் நடக்கின்றபோது வாடிக்கையாளர்களுக்கு விற்பனையாளர்களைப் பிடிக்காமல் போகின்றது. பணப் பரிமாற்றத்தையும் தாண்டிய தனிப்பட் கவனிப்புக்கள் மாத்திரமே வாடிக்கையாளரையும் விற்பனையாளரையும் ஒன்றிணைக்கின்றது.
நேரடியாக வாடிக்கையாளர்களை தொடர்புகொள்வதில் கவனம் செலுத்துங்கள்.
தொழில்நுட்ப சாதனங்களைப் பயன்படுத்தி தொடர்புகொள்கின்றபோது வாடிக்கையாளருடனான உறவானது சில தவறான புரிதல்களுக்கும் உள்ளாகும். ஆனால் நேரடியாகத் தொடர்புகொள்கின்றபோது வாடிக்கையாளரின் முக மாற்றங்களை வைத்தே அவர்களுக்கு தேவையானது எது என்பதை இலகுவாகக் கண்டுபிடிக்க முடியும்.
உங்கள் மகிழ்சசியையும் பாராட்டுக்களையும் வாடிக்கையாளருக்குத் தெரியப்படுத்துங்கள்
இது ஒரு சிறந்த பழக்கமாகும். அதாவது உங்களுடைய மகிழ்ச்சியையும் பாராட்டுக்களையும் வாடிக்கையாளர்களுக்குத் தெரிவிப்பது. அவர்களுக்கு வாழ்த்துக்கள், நன்றி ஆகியவற்றை ஒவ்வொரு முறையும் கூறுங்கள். அது இன்னும் உ்ங்களை வாடிக்கையாளருக்கு அருகிலே அழைத்துச் செல்லும் என்பது உறுதி.
”புரட்சி வானொலி தனக்கென்று தனித்துவமான முறையில் செய்திகளை வழங்கி வருகின்றது. இங்கே உங்களிற்கு சங்கடமான / இடையூறான பதிவுகள் இருந்தால் அறியத் தாருங்கள். பரிசீலனை செய்யக் காத்திருக்கிறோம். புரிந்துணர்வுடன் தொடரும் தங்களின் ஒத்துழைப்பிற்கு நன்றி!! புரட்சி வானொலியின் பதிவுகள் அனைத்தும் காப்புரிமைக்கு உட்பட்டது. அனுமதியின்றி நகல் எடுப்பது தடை செய்யப்பட்டுள்ளது. The Puradsi FM is giving you unique information. Please let us know if there are any unpleasant / obsolete recordings. They will be deleted! All of the Puradsi FM records are patented. Duplicate without permission is prohibited.”