பிரபுதேவாவுடன் ஜோடி சேர்ந்த லட்சுமி மேனன்..!
இடையில் சிலகாலங்கள் படவாய்ப்புக்கள் எதுவும் இல்லாமல் இருந்த பிரபுதேவா இன்று நடிப்பில் பிஸியாகிவிட்டார். ‘லக்க்ஷ்மி’ படத்தினை தொடர்ந்து 2,3 படங்களில் தொடர்ச்சியாக நடித்துக் கொண்டிருக்கின்றார்.அந்த வகையில்
அடுத்து நடித்து வரும் படம் ‘எங் மங் சங்’. குங்பூ கலையை மைய்யமாக வைத்து எடுக்கப்பட்டு வரும் இப்படத்தில் குங்பூ பயிற்சியாளராக நடிக்கின்றார். பிரபுதேவாவுக்கு ஜோடியாக முதன்முதலாக இணைகின்றார் லட்சுமி மேனன்.
இவர்களுடன், தங்கர்பச்சான், ஆர்.ஜே.பாலாஜி, சித்திராலட்சுமனன், காளிவெங்கட், முனீஸ்காந்த், மாரிமுத்து, வித்யா மற்றும் பாகுபலி வில்லன் பிரபாகர் ஆகியோர் இப்படத்தில் நடிக்கின்றார்கள்.வாசன் விஷுவல் வென்ச்சர்ஸ் பட நிறுவனம் சார்பாக
கே.எஸ்.சீனிவாசன், கே.எஸ்.சிவராமன் அதிக பொருட்செலவில் பிரமாண்டமாய் தயாரிக்க கதை, திரைக்கதை, வசனம், எழுதி அர்ஜுன்.எம்.எஸ். இயக்குகிறார்.படத்தின் முக்கால் பங்கு படப்பிடிப்பு முடிவடைந்துள்ள நிலையில் விறு விறுப்பாக படப்பிடிப்பு நடை பெற்று வருகின்றது.