பிசினெஸ் ஒன்றைத் தொடங்கும்போது இதையெல்லாம் செய்துடாதீங்க!

தற்போதைய காலகட்டத்தில் பல்வேறு பிசினெஸ்கள் வந்துவிட்டன. வியாபரம் நிறைந்த, வியாபாரத்தில் போட்டி நிறைந்த இந்த உலகில் நாம் நமக்கென்று ஒரு பிசினெசைத் தொடங்கும்போது பல்வேறு விடயங்களைக் கவனிக்கவேண்டி உள்ளது.

அவ்வாறு பிசினெஸ் தொடங்கும்போது தவிர்க்கவேண்டிய விடயங்கள் எவை என்பதைப் பார்க்கலாம்.

திட்டமிடாமல் செய்தல்
எதையுமே ப்ளான் பண்ணி செய்யணும் என்பார்கள். அதுபோலத்தான் தொழில் தொடங்கும்போதும் திட்டமிடுதலை புறக்கணிக்கவே கூடாது. குறிக்கோளை நோக்கி விரிவான திட்டம் தயாரித்தலில் தொழில் திட்டமிடல், நிதி திட்டமிடல் மற்றும் சந்தைப்படுத்தும் திட்டமிடலும் அடக்கம். இந்தத் திட்டங்கள் நிதி திரட்டவும், தொழில்முறை வல்லுநர்களுடன் இணைப்பை ஏற்படுத்தவும், தொழிலை மாற்றும்போதும் அல்லது முதலீட்டாளர்/கூட்டாளிகளைத் தேடவும் மிகவும் உதவிக்கரமாக இருக்கும்.ஆனால் இந்தத் திட்டங்கள் எதிர்காலத்தில் ஏற்படும் எந்தவொரு மாற்றங்களை ஏற்றுக்கொள்ளும் நெகிழ்வுத்தன்மையுடன் இருக்கவேண்டும்.
திட்டமிடுதலில் பல்வேறு வகைகள் உள்ளன.

மார்க்கெட்டிங் துறை சார்ந்த திட்டமிடுதல்
நிதி சார்ந்த திட்டமிடுதல் மற்றும்
மனிதவளம் சார்ந்த திட்டமிடுதல்
உற்பத்தி சார்ந்த திட்டமிடுதல்
புதிய போட்டி நிலமைகள் சார்ந்த திட்டமிடுதல்.

ஆழமறியாமல் காலை வைக்காதீர்கள்
அதாவது உங்கள் தொழில்துறை சார்ந்த சந்தை நிலவரங்களை அறிந்து கொள்வது மிக மிக முக்கியமான ஒன்றாகும். சந்தை நிலவரத்தை போதுமான அளவு ஆராயாமல் தொழிலில் இறங்குதல் பெரும் ஆபத்திற்கு வழிவகுக்கும். நீங்கள் தொழில் துவங்க விரும்பும் துறையின் அனைத்து அம்சங்களையும் புரிந்துகொள்ள முதலில் சந்தை நிலவரத்தை ஆராய்வது மிகவும் கடினமான ஒன்று. அதற்குப் பின்வருவனவற்றைத் தெரிந்துகொள்ள வேண்டும்:
உங்கள் வாடிக்கையாளர் யார்,

உங்கள் வாடிக்கையாளரை எப்படி கையாள்வது?
உங்கள் போட்டியாளர்கள் யார்?
அவர்களின் விலை விபரங்கள் எவை? 
உங்கள் துறையின் ஆலோசர்கள் அல்லது முன்னோடிகள் யார்?
மற்றும் சமூகவலைத்தளங்களில் தொிலின் நிலை என்ன?

நவீன முறைகளைக் கையாள்வதைத் தவிர்த்தல்
புதிய தொழில்நுட்பங்கள் புதிய வாய்ப்புகளை வழங்குவதுடன், மேலும் திறமையாகப் பணிபுரிய உதவுவதுடன், நீண்ட கால அடிப்படையில் பணத்தைச் சேமிக்க உதவும். ஆனால் இதற்காகப் புதிய நபர்களைத் தேர்ந்தெடுப்பதுடன், அதைக் கற்பதற்கு நேரமும் பொறுமையும் மிக அவசியம். ஆனாலும் புதிய தொழில்நுட்பங்களைப் பயன்படுத்தாமல் இருப்பது குறுகிய மற்றும் நீண்டகால அடிப்படையில் தொழிலை பாதிக்கலாம்.

”புரட்சி வானொலி தனக்கென்று தனித்துவமான முறையில் செய்திகளை வழங்கி வருகின்றது. இங்கே உங்களிற்கு சங்கடமான / இடையூறான பதிவுகள் இருந்தால் அறியத் தாருங்கள். பரிசீலனை செய்யக் காத்திருக்கிறோம். புரிந்துணர்வுடன் தொடரும் தங்களின் ஒத்துழைப்பிற்கு நன்றி!! புரட்சி வானொலியின் பதிவுகள் அனைத்தும் காப்புரிமைக்கு உட்பட்டது. அனுமதியின்றி நகல் எடுப்பது தடை செய்யப்பட்டுள்ளது. The Puradsi FM is giving you unique information. Please let us know if there are any unpleasant / obsolete recordings. They will be deleted! All of the Puradsi FM records are patented. Duplicate without permission is prohibited.”