இரண்டாவது கணவருக்கு கர்ப்பமாகி உள்ள நடிகை மைனா நந்தினி..! அவரே வெளியிட்டுள்ள தகவல்..!!
நடன நிகழ்ச்சி ஒன்றின் மூலம் தொலைகாட்சிக்கு அறிமுகமானவர் நடிகை நந்தினி. சரவணன் மீனாட்சி சீரியலில் மைனா என்ற கதாபாத்திரத்தில் நடித்ததால் மைனா நந்தினியான இவர் பின் சின்னத் தம்பி, அரண்மனை கிளி, உட்பட ஏராளமான சீரியல்களில் நடித்தார். அத்துடன் பல திரைப்படங்களிலும் நடித்து மக்கள் மத்தியில் இடம்பிடித்தார்.
இவர் ஜிம் ட்ரெயினரான கார்த்திக் என்பவரை காதலித்து திருமணம் செய்தார். ஆனால் ஏற்கனவே திருமணமானதை மறைந்து நந்தினியை திருமணம் செய்த கார்த்திக்கின் உண்மை முகம் தெரியவர அவரை விட்டு பிரிந்து பிறந்த வீட்டுக்கு சென்றார் நந்தினி.
இதனால் கார்த்திக் தற்கொலை செய்துகொண்டார். அதன் பின் இவர் யோகேஸ்வரன் என்கிற யோகேஷை காதலித்து கடந்த வருடம் திருமணம் செய்துகொண்டார். இந்த நிலையில் அண்மையில் நந்தினி கொடுத்த பேட்டி ஒன்றில் நான் கர்ப்பமாக இருக்கிறேன் என தெரிவித்துள்ளார்.
குழந்தை வளர தொடங்கி மூன்று மாதம் வரை வெளியே சொல்ல வேண்டாம் என டாக்டர்கள் கூறியதால் வெளியே கூறவில்லை என்றும் தற்போது 5 மாதம் ஆன நிலையில் நண்பர்களுடன் இந்த மகிழ்ச்சியான விடயத்தை பகிர்ந்து கொள்வதாக தெரிவித்துள்ளார். அத்துடன் என்ன பிள்ளை வேண்டும் என்ற கனவெல்லாம் இல்லை, எந்த குழந்தை என்றாலும் என் குழந்தை அவ்வளவு தான் என தெரிவித்துள்ளார்..!!