மிகப்பெரிய சர்ச்சையில் மாட்டிக் கொண்ட பிரபல வில்லன் நடிகரான பிக் பாஸ் பொன்னம்பலம்..! திட்டி தீர்க்கும் மக்கள்…!!

பிக் பாஸ் நிகழ்ச்சி சீசன் 2ல் கலந்துகொண்டு மக்களின் பாராட்டை பெற்றவர் நடிகர் பொன்னம்பலம். தமிழ் சினிமாவின் மிரட்டல் வில்லனான பொன்னம்பலத்தை கபாலி என்று தான் பலர் அறிந்திருந்தனர். வில்லனாக மட்டும் இன்றி சிறந்த குணச்சித்திர நடிகராகவும் மக்களை கவர்ந்த பொன்னம்பலம் பட வாய்ப்புகள் இன்றி இருந்த அவர் விஜய் டிவியின் பிக் பாஸ் நிகழ்ச்சியில் கலந்துகொண்டார்.

பிக் பாஸ் வீட்டை விட்டு வெளியே வந்து சில படங்களில் நடித்துக் கொண்டிருக்கும் பொன்னம்பலம் பாஜக கட்சியில் இணைந்தார். இந்த நிலையில் முன்னாள் பிரதமர் வாஜ்பாய் அவர்களின் பிறந்த நாள் விழாவில் கலந்துகொண்டு. வாழ்த்து தெரிவித்ததுடன் குடியுரிமை சட்ட திருத்தம் பற்றி பேசியுள்ளார்.

அதில் இந்தியாவில் தீவிரவாதிகளை விரட்டவும் தீவிரவாதிகள் வருவதை தடுக்கவும் பிரதமரால் எடுக்கப் பட்ட இந்த முடிவு வரவேற்கப் பட வேண்டியதாகும். வயதிலும் அனுபவத்திலும் பெரியவரான மோடி எடுத்த முடிவு சரியானது தான்.

இதில் போராடி தீவிரவாதிகள் போல் நடந்துகொள்ள வேண்டாம் என கூறியுள்ளார். நாடு முழுவதும் குடியுரிமை சட்டத்திற்கு எதிராக போராட்டம் இடம்பெற்று வரும் நிலையில் பொன்னம்பலம் இப்படி பேசி இருப்பது சர்ச்சையை ஏற்படுத்தி உள்ளது..!!