காதலித்து கர்ப்பமாக இருந்த பெண்ணின் மரணத்திற்கு காரணமான பிரபல சீரியல் நடிகை..! கணவரின் தம்பிக்காக செய்த மோசமான செயல்..!!
கேரளாவை அதிர வைத்த ரம்சி தற்கொலை விடயத்தில் பல திருப்பங்கள் வெளியாகி வருகிறது. கேரளாவை சேர்ந்த ரம்சி என்ற பெண்ணை அதே பகுதியை சேர்ந்த ஹரீஸ் என்ற இளைஞர் காதலித்து வந்துள்ளார். முதலில் காதலை ஏற்றுக் கொள்ளாத ரம்சி பின் ஹரீஸ் மீதான நம்பிக்கையில் ஏற்றுக் கொண்டார். இதற்கு ஆரம்பத்தில் ஹரீஸின் குடும்பத்தினரும் சம்மதம் தெரிவித்த நிலையில் ரம்சி கர்ப்பமாகி உள்ளார்.
இதனை கலைக்கும்படி ஹரீஸ் கூறிய போது மறுத்த ரம்சி ஹரீஸின் தாயார் அன்பாக பேசியபோது நம்பி கரு கலைப்பு செய்துள்ளார். அதன் பின் ஹரீஸுக்கு வேறு இடத்தில் திருமணம் பேசி நிச்சயதார்த்தம் நடைபெற இருந்த நிலையில் ரம்சி தற்கொலை செய்துகொண்டார்.
இந்த வழக்கில் ஹரீஸ் மற்றும் அவரது தாயாரிடம் விசாரணை இடம்பெற்று வரும் நிலையில் பிரபல சீரியல் நடிகையான லக்சுமி என்பவர் தலைமறைவாகி உள்ளார். சீரியல் நடிகையான லக்சுமி ஹரீஸின் அண்ணனின் மனைவியாவார். இவர் தான் ரம்சியின் தற்கொலைக்கு முக்கிய காரணம் என கூறப்படுகின்றது.
ரம்சி கர்ப்பான போது மிரட்டலுக்கு மேல் மிரட்டல் விடுத்த லக்சுமி ஹரீஸுக்கு திருமணம் பேசிய பின் ரம்சிக்கு அழைப்பை ஏற்படுத்தி மிரட்டியது தெரிய வந்துள்ளது. குடும்பத்தினரின் மானம் தன்னால் போக கூடாது என ரம்சி இந்த முடிவு எடுத்துள்ளார் என தெரியவந்துள்ள நிலையில் அவரது தற்கொலைக்கு காரணமானவர்களில் லக்சுமியும் ஒருவர் என தெரிய வந்துள்ளது.