சிங்கப்பூரின் மின்சக்தி வாகனத் தயாரிப்புத் திட்டத்தை கைவிட முடிவு செய்யும் Dyson நிறுவனம்..!!!
சிங்கப்பூரின் மின்சக்தி வாகனத் தயாரிப்புத் திட்டத்தை கைவிட முடிவு செய்யும் Dyson நிறுவனத்திற்கான சலுகைகள் இனி வழங்கப்படமாட்டாது என சிங்கப்பூர் அரசாங்கம் தெரிவித்துள்ளது.
சிங்கப்பூரின் வர்த்தக, தொழில் அமைச்சுக்கான, மூத்த துணை அமைச்சர் சீ ஹொங் டாட் நாடாளுமன்றத்தில் இதனை குறிப்பிட்டுள்ளார். பிரிட்டனைச் சேர்ந்த மின்னியல் நிறுவனமான Dyson நிறுவனம் மின்சக்தியில் இயங்கும் வாகனத்தைத் தயாரிக்கும் திட்டத்தை கடந்த மாதம் நிறுத்தியுள்ளது.
மேலும் இது தொடர்பாக நாடாளுமன்ற உறுப்பினர் லியாங் எங் ஹுவா கேள்வி எழுப்பினார். Dyson நிறுவனத்தின் மற்ற திட்டங்களுக்கு வர்த்தக, தொழில் அமைச்சு எவ்வித சலுகைகளை வழங்கலாம் என்பதைத் தன்னிச்சையாக மதிப்பிடும் என திரு. சீ பதிலளித்தார்.