யாரும் அறியாமல் மாற்றுத்திறனாளிக்கு உதவிய நடிகர் சிவ கார்த்திகேயன்…! வெற்றிக் கிண்ணத்துடன் வந்து நன்றி கூறிய இளைஞன்..!!
பெருமைக்காக உதவுகின்றவர்கள் மத்தியில் அமைதியாக உதவிய சிவகார்த்திகேயன் பற்றிய தகவல் வெளியாகி உள்ளது. மாற்றுத்திறனாளிகளுக்கான தமிழ் நாடு கிரிக்கெட் அணியின் தலைவராகவும், மாற்றுத்திறனாளிகள் கிரிக்கெட் அணியில் வீரராகவும் விளையாடி வருபவர் சச்சின் சிவா.
இவர் முதன் முதலான இந்திய மாற்றுத் திறனாளிகள் அணிக்காக நேபாளம் செல்வதற்கு போதிய அளவு பணம் இல்லாமல் இருந்த நிலையில் நடிகர் சிவ கார்த்திகேயன் உதவி செய்துள்ளார் அத்துடன் சில தனியார் அமைப்புகளும் சச்சின் சிவாவிற்கு உதவிய நிலையில் நேபாளம் சென்ற சிவா மற்றும் டீம் 3.0 என்ற கணக்கில் T20 தொடரை கைப்பற்றியுள்ளது.
மூன்று போட்டியிலும் அசத்திய இந்திய மாற்றுத்திறனாளிகள் அணியை பலரும் வாழ்த்தி வரும் நிலையில் தாங்கள் வென்ற வெற்றிக் கிண்ணத்தை சொந்த ஊரில் உள்ளவர்களுக்கு காட்டுவதற்காக சிவா தமிழகம் கொண்டுவந்துள்ளார்.
இந்திய மாற்றுத்திறனாளிகள் அணியில் முதல் முதலாக விளையாடிய சிவாவிற்கு விமான நிலையத்தில் பிரமாண்ட வரவேற்பு கொடுக்கப் பட்ட நிலையில் தனக்கு உதவிய சிவகார்த்திகேயன் மற்றும் அனைவருக்கும் சிவா நன்றி கூறியுள்ளார். இதன் போதே சிவகார்த்திகேயன் உதவிய விடயம் ரசிகர்களுக்கு தெரிய வந்துள்ளது…!