ஸ்மார்ட் தொழில்நுட்பங்களை உள்ளடக்கி அணியக்கூடிய ஜக்கெட்களை அறிமுகம் செய்யவுள்ள கூகுள் நிறுவனம்…!!!
உலகளாவிய ரீதியில் பிரபல்யம் அடைந்து வரும் ஸ்மார்ட் தொழில்நுட்பங்களுக்கு முன் உரிமை அளித்து வருகின்ற பிரபல கூகுள் நிறுவனம் அண்மையில் ஸ்மார்ட் தொழில்நுட்பங்களை உள்ளடக்கிய அணியக்கூடிய உடைகளை அறிமுகம் செய்வதற்கு தீவிர முயற்சிகளை எடுத்து வருகின்றது.
கடந்த சில ஆண்டுகளுக்கு முன்னர் கூகுள் நிறுவனம் Levi நிறுவனத்துடன் ஒன்றிணைந்து ஜக்கெட்களை வடிவமைப்பு செய்துள்ளது.
கூகுள் நிறுவனத்தின் இந்த திட்டத்திற்கு Project Jacquard எனவும் பெயரிடப்பட்டுள்ளது. தற்போது இவை விற்பனைக்கு வரவுள்ளன. எனினும் இவற்றின் விலையானது மிகவும் அதிகமாகும். சிறிய அளவிலான ஜக்கட்டின் விலை 198 டொலர்களாகவும், பெரிய ஜக்கட்டின் விலை 350 டொலர்களாகவும் காணப்படுகின்றது.
இருப்பினும் இதற்கு இடையில் ஆண்கள், பெண்கள் என அனைவருக்குமான அளவில் இந்த நவீன ஜக்கெட்டுக்கள் அறிமுகம் செய்யப்பட்டுள்ளதாக தெரிவித்துள்ளது.