பயறை எப்படி சமைத்து சாப்பிடலாம்???
பயறு சாப்பிடுவதால் பல நன்மைகள் உள்ளது. இதில் அதிக அளவு கால்சியமும், பாஸ்பரசும் , புரதம், கார்போஹைடிரேட், சிறிதளவு இரும்புச்சத்தும் அடங்கியுள்ளது. நார்ச்சத்தும், தாதுப்பொருட்களும் இதில் அடங்கியுள்ளன. இதை அவித்து சாப்பிடாமல் வேறவிதமாக எப்பிடி சாப்பிடலாம் என பார்ப்போம்.
தேவையானவை: பயறு – 100 கிராம், தக்காளி, பச்சை மிளகாய் – தலா ஒன்று, பொடியாக நறுக்கிய வெங்காயம் – ஒரு கப், இஞ்சித் துருவல் – ஒரு டீஸ்பூன், கடுகு – கால் டீஸ்பூன், நறுக்கிய கொத்தமல்லி – சிறிதளவு, எண்ணெய், உப்பு – தேவையான அளவு.
செய்முறை: குக்கரில் பயறு , தக்காளி சேர்த்து வேகவிட்டு, 2 விசில் வந்ததும் இறக்கவும். கடாயில் எண்ணெய் விட்டு கடுகு தாளித்து, நறுக்கிய பச்சை மிளகாய், இஞ்சித் துருவல், நறுக்கிய வெங்காயம் சேர்த்து வதக்கவும். வேக வைத்த பயறு -தக்காளியை அதில் சேர்த்து, உப்பு போட்டு, கொதிக்க விடவும். இறக்குவதற்கு முன் நறுக்கிய கொத்தமல்லி தூவவும்.