இன்றைய ராசி பலன்! 19.06.2019

புரட்சி நேயர்களுக்கு அன்பான வணக்கம்.  இன்றைய நாள் உங்கள் அனைவருக்கும் சிறப்பான நாளாக அமைய எல்லோருக்கும் பொதுவான இறைவனைப் பிராத்தித்து இன்றைய நாள் பற்றியும் 12 ராசிக்கான பலன்களையும் பார்க்கலாம். 19.06.2019 ஆனி 04 நாள் புதன்கிழமை துதியை பிற்பகல் 4.08 வரை பூராடம் பிற்பகல் 2.17 வரையாகும். நாள் முழுவதும் அமிர்தமாகும். நல்ல நேரம் அதிகாலை 4.24 – 5.54 வரையாகும். இராகு காலம் காலை 11.54 – 1.24 வரையாகும். எமகண்டம் காலை 7.24 – 8.54 வரையாகும். குளிகன் 10.24 – 11.54 வரையாகும்.

மேஷ ராசி நேயர்களே:  தம்பதியினருக்குள் நெருக்கம் வரும் சேரும். புதிய நட்பால் மகிழ்ச்சியடைவீர்கள். வெளிநாட்டில் அனுபவம் கிடைக்கும். வியாபாரத்தில் வேலையாட்களை தட்டிக் கொடுத்து வேலை வாங்குவீர்கள். தொழிலில் இழந்த உரிமைகளை பெறுவீர்கள்.இன்றைய நாள் சந்தோஷம் பொங்கும் நாளாகும்.

ரிஷப ராசி அன்பர்களே:  உங்கள் ராசியில் சந்திராஷ்டமம் இருப்பதால் ஏதோ ஒன்றை பறிகொடுத்தது போல இருப்பீங்க. உறவினரின் துரோக செயலை பார்த்து கவலையடைவீர்கள். வியாபாரத்தில் வேலையாட்களிடம் வளைந்துகொடுத்துப் போவது நல்லது. தொழிலில் சிறிய முறுகல் நிலை ஏற்படும். இன்றைய நாளில் நேர்மையுடன் செயல்படும் நாளாகும்.

மிதுன ராசி காரர்களே:  நீங்கள் எதிலும் ஆர்வம் காட்டுவீர்கள்.  அதி விலை உயர்ந்த பொருட்களை வாங்கி மகிழ்வீர்கள். புதிய பயணத்தால் சந்தோஷம் உண்டாகும். வியாபாரத்தில் புகழ்பெற்ற நிறுவனத்துடன் புது ஒப்பந்தம் செய்வீர்கள். இன்றைய நாள் நம்பிக்கையுடன் இருக்க வேண்டிய நாளாகும்.

கடக ராசி நேயர்களே:  நீங்கள் சாதுர்யமாகவும் பேசி சாதிப்பீர்கள்.  அதிக பண மழை அதிகரிக்கும். எதிர் பார்ப்பு வெற்றி தரும். பலர் உங்கள் உதவியை நாடி வருவார்கள். உத்யோகத்தில் அதிகாரிகள் உங்களுக்கு முன் உரிமை தருவார்கள். இன்றைய நாள் மிக மிக நல்ல நாளாகும்.

சிம்ம ராசி அன்பர்களே: உங்கள் மனதில் புதிய சிந்தனை வந்து போகும் நாளாகும். குழந்தைகளின் உயர்கல்வி, உத்யோகம் குறித்து யோசிப்பீர்கள். உங்கள் வரவுக்கு ஏற்ற வகையில் செலவளிப்பீங்க. நட்பால் உதவி உண்டாகலாம். வியாபாரத்தில் வாடிக்கையாளர்களின் எண்ணிக்கை அதிகரிக்கும். தொழிலில் மூலம் சலுகைகள் வந்து சேரும். நிறைய நாள் கனவு நிறைவேறும் நாளாகும்.

கன்னி ராசி காரர்களே: நீங்கள் இன்று முக்கிய பிரமுகர்களை சந்திப்பீர்கள். புது வேலை கிடைக்கும். தள்ளிப் போன காரியம் இன்று கை கூடி வரும். கடன் தொல்லை நீங்கும். வியாபாரத்தில் அதிரடி சலுகைகள் மூலம் இலாபமடைவீர்கள். தொழிலில் ஒற்றுமை நிலவும் . இன்றைய நாள் நீண்ட நாள் எதிர்பார்ப்புகள் நிறைவேறும் நாளாகும்.

துலாராசி உறவுகளே:   நீங்கள் குடும்பத்தினருடன் கலந்தாலோசித்து பழைய பிரச்சனைகளுக்கு முக்கிய தீர்வு காண்பீர்கள். புதிய சொத்துக்களை வாங்குவீர்கள். வியாபாரத்தில் போட்டிகளை எதிர்கொண்டு வெற்றி காண்பீர்கள். தொழிலில் நினைத்ததை  செய்து முடிப்பீர்கள். இன்றைய நாள் மிக உற்சாகமான நாளாகும்.

விருச்சிக ராசி நேயர்களே:.  உங்களுக்கு வீட்டில் உள்ளவர்களின் ஆதரவு அதிகரிக்கும்.கடனை வட்டியுடம் சேர்த்து கொடுப்பீர்கள். புதிய நட்பால் நன்மை உண்டாகும். பழைய கசப்புகள் நீங்கும். வியாபாரத்தில் சந்தை ரகசியங்களை தெரிந்து கொள்வீர்கள். தொழிலில் வேலையை நேரத்துக்கு செய்து முடிப்பீர்கள். இன்றைய நாள் தடைகள் நீங்கும் நாளாகும்.

தனுசு ராசி அன்பர்களே: உங்கள் ராசிக்குள் சந்திரன் தொடர்வதால் ஒருவித பயந்த நிலை வந்து செல்லும். இன்று உங்கள் ஆரோக்கியத்தில் அதிக அக்கறை அவசியம். யாரையும் பகைத்துக் கொள்ளாதீர்கள். வியாபாரத்தில் வாடிக்கையாளர்களால் பிரச்னைகள் வரும். உத்யோகத்தில் சக ஊழியர்களுடன் பனிப்போர் வந்து நீங்கும். இன்றைய நாள் சிக்கலான நாளாகும்.

மகர ராசி காரர்களே:  தம்பதியினருக்கு இடையில் ஏற்பட்ட வாய்த்தகராறு வந்து செல்லும். யாருக்கும் சாட்சி கையெழுத்திட வேண்டாம்.  கடை உணவுகளை தவிர்ப்பது மிக நல்லது. வியாபாரத்தில் தனலாபம் ஏற்படும். உத்யோகத்தில் சக ஊழியர்களால் பிரச்னைகள் வந்து விலகும். இன்றைய நாள் அதிக கவனம் தேவை. வெற்றி பெறும் நாளாகும்.

கும்ப ராசி உறவுகளே: நீங்கள் வீட்டில் உள்ளவர்களின் விருப்பங்களை நிறைவேற்றுவீர்கள். மற்றவர்களுக்காக பல செலவுகளை செய்வீர்கள். உறவினர்கள் வருகையால் மகிழ்வீர்கள். வியாபாரத்தில் புதுத் தொழில் தொடங்கும் முயற்சி வெற்றி அடையும். உத்யோகத்தில் பாராட்டப்படுவீர்கள். இன்றைய நாள் சிறப்பான நாளாகும்.

மீன ராசி நேயர்களே:  நீங்கள் யாராவது தவறு செய்தால் சும்மா விடமாட்டிங்க. உங்களிடம் பழகும் நண்பர்கள், உறவினர்களின் பலம் பலவீனத்தை உணர்வீர்கள். கடன் பிரச்சனை முற்றாக தீரும். வியாபாரத்தில் புது இடத்திற்கு கடையை மாற்றுவீர்கள். உத்யோகத்தில் சக ஊழியர்களின் ஆதரவால் நினைத்ததை முடிப்பீர்கள். இன்றைய நாள் முயற்சி பலிக்கும் நாளாகும்.