தனது சேவையில் இருந்து ஒன்லைன் சொப்பிங் செய்யும் வசதியை விரைவில் அறிமுகம் செய்யவுள்ள பேஸ்புக் நிறுவனம்..!!
உலக அளவில் பிரபல்யம் அடைந்து வருகின்ற முன்னணி சமூகவலைத்தளமான பேஸ்புக் நிறுவனம் தனது சேவையின் ஊடாக ஒன்லைன் சொப்பிங் செய்யும் வசதியை விரைவில் அறிமுகம் செய்யவுள்ளது. குறித்த தகவலை பேஸ்புக் நிறுவனத்தின் பிரதமர் நிறைவேற்று அதிகாரியான மார்க் ஷுக்கர் பேர்க் தெரிவித்துள்ளார். கடந்த ஆண்டே இதற்கான அடித்தளத்தினை பேஸ்புக் நிறுவனம் போட்டிருந்த நிலையில் தற்போது அனைத்து பாவனையாளர்களுக்கும் கிடைக்கக்கூடியதாக மேலதிக வசதிகளை உள்ளடக்கி அறிமுகம் செய்யப்படவுள்ளது.
இந்த ஒன்லைன் சொப்பிங் வசதியினை பேஸ்புக்கில் மட்டும் இன்றி அந்நிறுவனத்தினால் நிர்வகிக்கப்படும் இன்ஸ்டாகிராம், மெசஞ்சர் மற்றும் வாட்ஸ் ஆப் என்பவற்றிலும் பயன்படுத்தக்கூடியதாக இருக்கும் என தெரிவிக்கப்பட்டுள்ளது. எனினும் உலகில் அதிகளவானவர்கள் பயன்படுத்தும் பேஸ்புக் தளத்தில் இவ் வசதி அறிமுகம் செய்யப்படுவது ஏனைய ஒன்லைன் சொப்பிங் தளங்களுக்கு பாரிய பின்னடைவாக இருக்கும் என்பது குறிப்பிடத்தக்கது.