GIF எனப்படும் அனிமேஷன் கோப்புக்களை திறக்க வேண்டாம் என எச்சரிக்கை விடுத்த வாட்ஸ் ஆப் நிறுவனம்…!!!
உலகளாவிய ரீதியில் நிறைய பாவனையாளர்களை கவர்ந்து வரும் பிரபல சமூக வலைத்தளமான பேஸ்புக் விளங்குகின்றது. இந்த பேஸ்புக் நிறுவனத்தினால் நிர்வகிக்கப்பட்டு வரும் வாட்ஸ் ஆப் செயலியின் ஊடாக ஹேக்கர்கள் கைவரிசை காட்டுவது தொடர்ந்தும் நடைபெற்று வருகின்றது.
அண்மையில் GIF எனப்படும் அனிமேஷன் கோப்புக்கள் வாட்ஸ் ஆப் ஊடாக பகிரப்பட்டு வருகின்றது.
இவ்வாறு இனம் தெரியாத நபர்களினால் அனுப்பப்படும் GIF கோப்புக்களை திறக்க வேண்டாம் என வாட்ஸ் ஆப் நிறுவனம் பகிரங்கமாக எச்சரிக்கை விடுத்துள்ளது. இந்த கோப்புடன் மல்வேர்கள் சேர்த்து பரப்பப்படுவதே இதற்கு காரணம் என தெரிவிக்கப்பட்டுள்ளது.
Double-Free எனப்படும் இந்த மல்வேர் ஆனது மொபைல் சாதனங்களின் நினைவகத்தில் கோளாறுகளை உருவாக்கக்கூடியது, அப்பிளிக்கேஷன்களில் குளறுபடிகளை ஏற்படுத்தக்கூடியதாகவும் வடிவமைக்கப்பட்டுள்ளது. அதையடுத்து ஸ்மார்ட் மொபைல் போன்களை பயன்படுத்துவதற்கு ஹேக்கர்கள் இதன் ஊடாக முயற்சிப்பதாகவும் அதிர்ச்சி தகவல் வெளியிடப்பட்டுள்ளது.